Tameɣra n lfeṭṭa n At Yanni tessaweḍ-d ɣer taggara n tedwilt-is tis tesɛa ass-nni n 22 yulyu.
Tasebḥit n wass nni aneggaru nnejmaɛen yimḍebren d yinnaḍ. Deg temlilit-agi, d mass Buɣareb i d-yeɣran aḍris i s sulin tadwilt-agi. S yin ifka awal i mass anemhal n ugraw aɣerfan n lwilaya n Tizi-Wezzu. Imḍebber agi icekker-ed kra n wid i dihegan tameɣra-agi, acku akka ara teffeɣ tinḍi n tmurt n Leqbayel seg tillas ɣer tafat. Ma d mass anemhal n tmerrit yesmekta-d belli taneɣlaft teawen aṭas tameɣra-agi yerna ilmeẓyen-nneɣ d wid iteddun ɣer zdat, d netni ara iḥerzen tinḍi d igerrujen nneɣ. S yin d lmir n tɣiwant n At yanni i ixetmen awal n unejmue-agi. Yenna belli, xas tadwilt tis tesea ad temdel tiwwura-s, maca tameɣra n lfeṭṭa ad d-tezzi di tedwilin nniḍen. Yesmektad belli tameɣra teedda akken ilaq. Yessarem ladɣa ad tuɣal di tedwilt tis eecra i useggas d-iteddun.” Ɣer taggara n unejmue-agi yella-d wefraq n yigerdasen (diplmes) i yinaḍ d wid i d-yefkan afus i tfaska useggas-agi.
Ma d timzikniyin eeddant am yiseggasen yezrin. Aṭas n lɣaci d yinebgawen i d-yusan ad tent-ẓren. Gar yinḍan llan wid iferḥen s delwit-agi acku tegla-d s wayen yelhan, am akken llan wid i yesmenyafen iseggasen ieeddan, asmi ôxiset lfeṭṭa yerna teǧhed tmerrit di tmurt n leqbayel. Ɣef lxemsa n tmeddit, agraw n tmeɣriwin n At Yanni s uneḥdur n “huissier de justice” d wid yuraren ṭunbula, jebden taseqqart. Sin kan ara irebḥen seg 1354 n yitikiyen. Dɣa amenzu d mass Sadun Murad tûaḥ-it-id tkerrust, ma d wis sin ur d-iban ara bab-is, ma eeddan sebea wussan ur d-yesteqsa ara d taseqqamut n tfaskiwin n At Yanni ara idmen arraz agi wis sin, d la mǧtǧ. Mi tewweḍ d setta n tmeddit d imyurar n JSK: Nessax d Taǧǧer, i yuraren yiwet n timlilit n ddabex.
Rnu ɣer waya merra, tameɣra n ccna tebda ɣef tmanya n tmeddit. Tewwi-d zzhu d unecreḥ. Ccnan deg-s : Mayles, Said Yusef, Mumuḥ d Ṭawes. Akka, s zhu d wurar i teedda tfaska n lfeṭṭa n useggas-agi.
Labawi Yasmin.