Taddart At Aisa uyehya, deg tɣiwant n Yililten, asun (Daïra) Iferḥunen, d tin yettidiren ussan-a deg ẓmik. D taddart i ɣef d teɣli twaɣit, imi d luluf n yiqenṭaren n uẓuliɣ id yegrarben seg udrar ɣef taddart.
Ussan-a awal igut ɣef wayen yeḍran deg taddart-a. Yal wa d acu id-yewwi d tamacahut almi I yedwayen is-yenna deg yiwet gar tezlatin-is, Lwennas Matub (Ad yettwarḥem) : nnan yeqres-d udrar nekkini ur ḥḍireɣ ara. S tidet am waken yeqres-d udrar, imi aman id isubben seg udrar hubben ɣef yiwet n tikkelt glan-d s luluf n yiqenṭtaren ne wakal, wid id iqelεen akk isekla (ṭjur) d yeblaḍen id ufan sdat sen.
Lḥemla-a teɣleb tin n Bab Lwed. D acu kan iḥun Rebbi ur d tegli ara s lexṣara ama s txeṣṣar n yimdanen ama s tin n yixxamen.
Akken id-ḥkan imezdaɣ n taddart At Aisa Uyeḥya, d aman I yennejmaεen ddaw wakal, deg udrar id yeffɣen s yin hubben-d d akessar u glan s wakal akken kra n wayen ufan sdat-sen.
Aya yessaweḍ imḍebren n tɣiwant akken ad sutren deg yimezdaɣ ad fɣen akk seg yixxamen nsen, Imezdaɣ d wid ur urnurǧa rray n yimḍebren imi uɣalen akk ɣer yixxamen nsen iqdimen I ǧǧan acḥal n yiseggasen aya.
Axeṣṣar-a yebda seg wass n 29 deg yebrir yezrin , maca ass n amhad (lexmis) segmi yeṭerḍeq udrar, iban-d yiwen uxjiḍ yesεan azal 265 lmitrat deg tehri (akken id-nnan imezdaɣ it-iwalan). Dayen yessawḍen imḍebren n lwilaya ad asen ɣer taddart-a akken ad walin d acu-t uxeṣṣar-a. Ula d imusnawen n wakal usan-d seg Buzreεa ad ɣren ɣef waya. Akken id mmeslayen imezdaɣ n taddart-a akked uselway n tiɣiwant Nat Yililten, aya yekkan-d seg waṭas n waman I yewwten deg tegrest yezrin, nejmaεen waman-a s waṭas ur wwiḍen ara ad fɣen neɣ ad lḥun ddaw tmurt, ihi fegḍen -–d berra n tmurt.
Azuliɣ d waman id-iṣubben sed udrar tama n uẓru n Ṭhur, εeddan deg tlemmast n taddart, reglen ula d tiqinṭert, ayaen yessawḍen ɣer unegzum n ubrid yessufuɣen ɣer tizi n yicellaḍen. D acu kan, imi timacinin timeqranin la xeddment akken ad ssarḥent tiqinṭert-nni I reglen yeblaḍen d yisekla akked wayen akk is-id-glan waman d uzuliɣ id iṣubben seg udrar ; ma tserreḥ tqinṭert-a, ayen akk is d yegla wasif uzuliɣ d waman ad iεeddi, abrid ad iserreḥ. Ayen yessefraḥen d imezdaɣ n taddart-a I yedduklen qublen tawaɣit-a, ussan-a iban-d wazal n tuddsa n tmetti, tuddsa n taddart, azal yesεa usqamu n taddart deg tizi n ddiq imi d nutni I yattadden ussan-a, ttεassan akken tawaɣit-a ur tettḥaz ara imezdaɣ nsen akked yixxamen.
ɣer tama n yimḍebren n tɣiwant n yililten, ibedd-d uselway d yimḍebren n tɣiwant Iferḥunen akked win At Bu Yusef. “Ma d imḍebren aεlayanen n tmurt, lhan-d d lḥemla l intixabiya, ussan ideg lḥemla n waman d uzuliɣ qr (ib snegren taddart at Aisa Uyaḥya “id yenna yiwen umezdaɣ n taddart-a.
Tina . B