Anekruf: (I unemhal) I tmeṭṭut-iw melmi ara tt-mlileɣ?
Anemhal: Cukkeɣ tura ur d iḍerru ara, amwali yettwakkes, acku seg tura akin ad tiliḍ gar n yifassen n temsulta n tama taεlayant
Imwekkel: D tidet, tura ad tedduḍ yid-neɣ akken ad nwali akk ayen i wulmen ad tissineḍ
Anekruf: I tmeṭṭut-iw!?
Imwekkel: Sḥasfeɣ aṭas, anecta mačči deg ufus-iw, taεessat d wayen akk nniḍen turez ar wid yesseḥbibiren, imi ara tewḍeḍ ar daxel n tnaεurt tzemreḍ ad tessutreḍ i yemḍebren
Anekruf: Ameḥbus: (yezεef) amek? Mačči d kečč i d-iyi-weεden ay mass anemhal?
Anemhal: Ayen akken inehder, yettwanɣel s iɣzer ula d timenɣiwt-ik tedda
Anekruf: Tenniḍ iyi-d ad aken semlileɣ yerna iman-nnwen
Anemhal: Imiren d imiren! Maca tura d tura d ayen nniḍen…mas imwekkel s imi ara nessali akka yen i lezmen fell-aɣ ad stenyiɣ s yin akin ad tuγaleḍ ar ddaw leεnaya n temsulta …ula d kečč heyyi iman-ik ad tedduḍ yid-sen
Imwekkel: (i unemhal) a d-iyi-tessurefeḍ ad siwleɣ?
Anemhal: Di lbiru ma yella ulac fell-as
Imwekkel: (I umeḥbus) ad ak iniγ tanemmirt ssarameɣ ak lehhu.
Anemhal: (I umeḥbus) Ula d nekk ssarameɣ ak ad tuγaleḍ seg wul
Amejjay: (yemsalam d umeḥbus) I tikelt nniḍen ferḥeɣ-ak…
Anemhal: (ɣaf yimi n tewwurt) ur d tedduḍ ara yid-neɣ ay amejjay?
Amejjay: (yeskurec deg ufus n umeḥbus) tura ad nruḥeɣ
Anekruf: (ddaw tuɣmest) ha! Γur-k i d teqqareḍ!
Amejjay: (ddaw tuɣmest) akkes aγbel ur d qqareɣ kra!…maca ɣur-k…ttxilek ur ttmettat ara d aceffar, acku ur telliḍ ara ur tettiliḍ ara…
Ad yezmeḍ afus-is deg ufus n umeḥbus ad yeffeɣ d unemhal d yimwekkel ad yerr tawwurt
Anekruf: (iman-is, s leεyaḍ) yessefk ad twaliɣ…afus-iw ad t-id yeṭṭef lammer ad iyi-awin wissen dɣa anida
Deg Timeẓdit (FUSÉ)
Daxel n texxamt d timdewert aṭas n tmacinin
Sin inekraf Ʃli d Weεli
Anekruf: (yuki-d) ula d nekk yeɣlin am ugectum am win i d yezgan ɣef tlufa-s, ladɣa netta azekka ad iεeddi ucekkar-is, di ğğin iṭṭseɣ iḍes am wa
Aww! Anida akka lliɣ …mačči d lḥebs-nni! Ah d ayen! d tanεurt , d ayen mmektaɣ-d d tanεurt wehhan taqerruyt-is ar igenni ih mmektaɣ-d imi i d iyi ssulin lkem i ufus-iw ewwten-iyi tissegnit, haqel-iyi …i tmacinin a! I tura da ara qqimeɣ! Ih ufan-tt-id suffɣen-iyi-d si lḥebs ar lḥebs! (Yesla i kra) d acu-t wa! Ah waqila mačči iman-iw i lliɣ! Waqila yella wayeḍ!
Iteddu yeṭṭallay ur yuḥtam ara alammi i yufa yiwen yeẓẓel ɣef ukersi
Aniwa i yegnen akka da!.ah!…ahat d aεessas-iw amaynut, wwint-id ad iyi εas yerra-tt i yiḍes! yeɣza ad as t-iniḍ yemmut, naɣ ahat ula d netta uwten-as tisegnit n ssikran (yessenhez-it) waqila sekkrent, maca i acu ara tsekkren!? Anef ar d yaki ad nwali….ah! waqila yebda yettak-id! Ah! Tukiḍ-d
Weεli: Anida akka lliɣ!?
Ʃli: Anida telliḍ! Anida i telliḍ yakan? Acimi i d teddiḍ? Ih haqel-ak di tnaεurt!
Weεli: Di tnaεurt?!
Ʃli: Ih tis snat seddank-id ad iyi tεaseḍ…simi ara ad teqle&epsilon,; ma d tura ur walaɣ ara d acu ara txedmeḍ
Weεli: Ala k qqareɣ d acu-k?
Ʃli: Nekk d ameḥbus-ik d acu i tebɣiḍ ad iliɣ! Uqbel ad iyi-d ssufɣen ḥawteɣγ deg-sen ad iyi-ğğen ad mlileɣ d tmeṭṭut-iw, ufan-iyi-d tamentilt (sebba) ulamek! Ad twehmeḍ, ur tessḍhaḍ ara anecten n yemdanen sefflen i yiɣil-iw uwten-iyi tissegnit daya i d mektaɣ… haqel-aɣ waqila ndemmen! Ar tura ugin ad aɣ serḥen…ih d acu yellan fell-as ma mlaleɣ d tmeṭṭut-iw! i d a yella kra yellan fell-as diɣen?! Ih ad mlileɣ d yid-s iman-nneɣ ma yella wamek. ini-d? Acimi i d iyi-d teččiḍ akka s wallen¸ twehmeḍ?! Ekker ekker fella-k ini-asen yebγa ad yemlil d tmeṭṭut-is
Weεli: d ameḥbus i d tenniḍ!?
Ʃli: d acu iyi ihi!?
Weεli: yah! ula d kečč d ameḥbus !
Ʃli : amzun ur twalaḍ ara ?!
Weεli: nekk ttɣileɣ iman-iw i yelliɣ da …ur d iyi-d nnin ara ɣur-k amwanes!
Ʃli: amwnnes?! Ihi, kečč d ameḥbus am nekk?!
Weεli: S lmut id ak ḥekkmen ula d kečč?!
Ʃli: Ula d kečč diɣen!?
Weεli: ih
Ʃli: tamusni igerzen! Attwehmeḍ ur zmiren ara ad aɣ-d semlilen di tazwara?!
Weεli: Ih ğğan-aɣ-tt d tamuffirt, yerna ur d lethan ara d wannect-a ugaden ad ifat wakkud …ih furṣen akud.
Ʃli: Deg sin yid-neɣ kan inella da neɣ llan wiyaḍ?
Weεli: Wissen, maca ekker ad nwali ma yella win yellan
Weεli: D ṛṛay …kečč ekk sya nekk sya Ruḥen ttqelliben
Weεli: Ur tufiḍ win yellan da
Ʃli: Ula da ulac, ihi ala nekk d kečč?
Weεli: amzun ala nekkni i yellan!
Ʃli: (yettmuqul deg-s) d acu i telliḍ txeddmeḍ?
Weεli: D amejjay
Ʃli: Nekk d ajenyur
Weεli: Ur d ak-d nniɣ ara, Mačči εeddi kan ad ak id aznen ar temsalt am ta, ahat tesneḍ kra i yimacinen-a i d aɣ-d-izzin akka!
Ʃli: kkes aɣilif…nekk tewleγ di tussniwin uḍru (elctricité) atomic …
Weεli: I tura! d acu i yettganin?
Ʃli: Ttganin? D acu?
Weεli: akken ad aɣ suffɣen am lewjeh, ad as serḥen i tnaεurt, ih! Acimi qqimen ar tura? Yerna sekkren-aγ erran fella-ɣ tawwurt ğğan-aɣ da, ur nezmir ara ad nesteqsi melmi ara aɣ-ssifgen?
Ʃli: A dayen!
Weεli: Amek! Serḥen-as? Tebɣiḍ ad t-iniḍ belli haqel-aɣ di tnaεurt t-tteddu?
Ʃli: ih attan tettεummu di tallunt!
Weεli: d acu i d qqareḍ akka!? Tallunt?!
Ʃli: di teganwt yerna s temɣawla, tura, ad waliɣ umris (alğihaz) ina ad ak d-iniɣ (iqerreb ar tmacint yeqar-d) 70 alef mayl di temrilt
Weεli: nekkni nteddu 70 alef imaylen di tsaεtt!?
Ʃli: ih!
Weεli: neğğan (lqaε) tamurt!?
Ʃli: Ih! Deg imi i tt-in neğğan! Tura (yeṭṭal ar umris) azal n 03 wussan s usimeḍ n amtiweg (palanete) nneɣ
Weεli: 03 wussan!?
Ʃli: Akken-i, acku ar tura, nedda-d azal 05 imelyan, n yimeyalen
Weεli: D ayen ur iqebbel wallaɣ! Ulac akka kra n teḍwiqt i deg ara anessiked, akken ad nwali axxi dacu iḍerrun berra?
Ʃli: Ahat tella, ih attan attan zdat-k di tama-nni nniḍen tɣum s temleḥeft n (uzlan) MAADANI
Weεli: (iruḥ ar ṭaq iwexxer timleḥeft-nni yettmuqul) d tmesxir!ur neteddu ur d yefki Rebbi ur nettafeg ara akk! Anida-tt akka (tγawla-nni) i d teqqareḍ akken?
Ʃli: yeḥsab-ak kan, ur as tettḥusuḍ ara, yella kra n wass i deg tḥuseḍ d lqaεa t-ttezzi?
Weεli: Xaṭi…maca…
Ʃli: D acu! ur ttamen ara iḥulfan-ik a nteddu daya!
Weεli: (yeṭṭal di ṭṭaq) d tidet ur d ban ara lqaεa …ṭill…d agejdur…d lewhayem! Ṭill.. Aha-k i yetri ina ad as t-iniḍ d lqaεa! Teẓriḍ akken i yuɣ yerna meqqer…yugar akk kra i aɣ-d-yezzin deg amtiwegen (kawakib)…ad as t-iniḍ d agur deg tagara-s …mačči d agur s timmad-is…a d lqaε-nneγ…ih d lqaεa …atan ugaraw (Lmuḥiṭ) elhadi…Hatt asiya! D lewhayem d ayen ur iqebbel wallaɣ…ttwaliɣ lqaεa ad as t-iniḍ s lkaɣeḍ azuran i tettwarwes tres DI MUSÉ n LĞUΓRAFIYA Takurt yetfeğğigen, ixemten deg yiwen wemkan …akka inexmet akka nekkni iyyaɣ wali
Ʃli: (iruḥ ɣur-s) d tidet…ttihin i d lqaεa-nneɣ
Weεli: (iwexxer-d i ṭṭaq) ih! Lqaεa-nneɣ!
Ʃli: D nettat s timmad-is
Weεli: d ayen i yellan
Ʃli: (iwexxer i ṭṭaq) d acu i d qesdeḍ?
Weεli: dayen ɣur d tettaraḍ ara, haqel-aɣ daxel n texxamt d timdewwert ad as t-iniḍ ur tettḥerrik ara, nettxezzir tiḍwiqin timecṭuḥin, nettnezih tagnawt taṭelmust s yetran yuγen am teftilin d lqaεa yezzin am tkurt yersen di LMATHAF n lğurrafiya daya!!
Ʃli: D acu i tettɣileḍ ihi! Neɣ ad twaliḍ ayen tettwaliḍ imi ara tedduḍ di tmacint?
Weεli: ttmeslayeɣ-ak-d af uḥussu-w, d lḥebs amecṭuḥ
Ʃli: Ih! Lammer ur tettwahiya ara akken iwata, arnin ur aɣ skiren ara imi i aɣ-d serḥen wammag ad twaliḍ d acu ara yeḍrun yid-neɣ
Weεli: Ur tḥusseḍ ara s wemgired, D tidet d lḥebs amaynut…zzin-aɣ-d iɣerban, akka i tella teḍwiqt-nni ula din!
Akli Outamazirt