Imḍebbren n tɣiwant n Bechloul rran talast deg wussan-a ineggura i tjara berra n lqanun s usedrem nkra n tḥuna yettwabnan ɣer yiri n wasif. D tikkelt tis snat i d-yella usexdem n yiɣil deg umkan-a dɣa, imi deg useggas n 2005, yella-d usedrem n tberrakin yettusexdamen i tjara, ayen yerran amkan-a ur nzeddig ara d ssuq. Ɣas ulamma yemneɛ lqanun tjara ɣer yiri n wasif, maca yeqqel am wakken yella di tazwara. D ayen yeǧǧan tikkelt-a imḍebbren n tɣiwant ur ttemmiḥen ara i widak yesnuzuyen din, ladɣa imi ɣer rrif n umkan-a tella-d tisin n temsulta, ara yilin d iɣil n laman wis tlata di temdint n Bechloul. Ɣef leḥsab n yisallen i nesɛa, ad d-yili akka deg wussan i d-iteddun usedrem n yakk n tḥuna ur nebni ara akken iwata. Ahat, d ayen i ttrajun yimezdaɣ n Bechloul ad walin tamnaḍt-nsen tecba di tid yellan anda nniḍen, imi akka tura ur d-tefki ara udem acebḥan.
S. M.