Weεli: allaγ n waniwa?! Allaɣen n yimusnawen d yemnuda, degmi ara d kkren d nutni d anadi ɣaf umaynut, ayen ara yerren amdan ala turart, d tɣimit d yilem, mačči akka?!
Ʃli: awwah d ayen tura bezzaf-ak d imuḍrawen
Tuzyint: akka i d nutni zgan deg imuḍrawen, tirga-nsen ala tiwuɣa
Taxemrit: ruḥ ad tefɣeḍ ar yiberdan, d yemraḥen, ad twaliḍ s wallen-ik
Ʃli: d amahil ɣaf i tettrum, nekk akkiya tura hah zemreɣ ad as d afeɣ tifrat
Taxemrit: amek?
Ʃli: yehwayawen kan terram cɣel d adrar, ih ma yella teεkes akk, ad nesedrem ayen yellan ad asent nales aserwes s wadda, s wudem amaynut
Weεli: (s uqesser) akken i telliḍ txeddmeḍ ya, ass-n i tessexsareḍ amrasen d radyu d tliẓriri akken ad tenṣegmeḍ
Ʃli: acuɣer ala?!
Tuzyint: (temmuqel ɣur-s yeswehem-itt) d wa i d argaz iwulmen i tallit-nneγ
Taxemrit: ar tura ur yegzi ara tidet-nwen …ala ak qqareɣ effeɣ γar berra ad twaliḍ, kra yellan d (robo) I t ixeddmen, ma d imdanen wa isenned s aɣrab, wa yettawi yettara am imeslab, ula d aya i d tenniḍ ma yella-d , d timacinin ina ara t-ixedmen
Acku amdan yuɣal am tɣawsa-nni yugaren, uli i wacu-t. alammi Aṭas deg-sen uɣen tannumi allami i uɣalen zelgen,teḍra-yid-sen am wid yuḍnen, ixeddim bγant, maca ur zmiren ara, akken ad nessiweḍ ad neẓẓu aḥulfu yettwasnegren deg-sen, ad uɣalen am zik-nnsen d imdanen aṭas n wakkud i d aɣ ilaqen d ayemi i nettnaḍaḥ akka
Ʃli: amek tettnaḍaḥem akken ad terrem ayen akken ğğan wussan?!
Tuzyint: I tura! Ur ak d nniɣ ara d akabar yettmuqulen ɣar yizri?!
Taxemrit: ula d akken! Twalḍ amuγli-nneɣ akken terẓen, naɣ xaṭi ay ameddakel?!
Weεli: ma d nekk umneɣ, ma d wi akken qqaren: ameslay ur yettqenniε aderɣal
Taxemrit: d tidet, ham uɣaled ay awal s imi-w, nqed i t xeddem tsusmi
Weεli: ma d nekk aqel-i yid-m alamma d tagara
Tuzyint: ad tekkrem mgal-nneɣ?!
Weεli: mačči mgal-nwen, a nexdem kan ayen i d tewwi fell-aɣ!
Tuzyint: aqel-aken deg ubrid amihan (dangereux), kemm-i akk iya assmi i kem-d refden akken ad as tiliḍ di lmendad mačči akken ad tessalayeḍ yid-s timcukkal d txidas, u yerna ma tecfiḍ yiwen ur imuqel d acu-kem nneɣ ɣar wanita tama i telliḍ, naɣ ɣar wanida tmaleḍ yak?!
Ʃli: ayen yellan fella-k d cukkteɣ d akken ad taruḍ rabul-ik, acku ɣur-k tarmit ( experience) izaden, d tin ara yeswehmen akk imejjayen yellan da, d tin ara d yeglun s lhu, ass-n i nedder s war ihni, alammi i d aγ rran ihni i yufan deg Timeẓdit (fusé), kra da akk ad tettuḍ ad tlethiḍ d temcukkal n war azal.
Weεli: isental-a iqburen ur zmireɣ ara ad asen xḍu&gamma,; d ayen yellan deg-i mačči d ayen i d snulfaɣ d ayemi, ara qedceɣ ilmend-nnsen
Ʃli: akken twalaḍ, ma d nekk ad tlethiɣ d arbul-iw ad mmeslayeɣ ɣaf amek inṣeggem Timeẓdit (fusé) d wamek i tt-id nsellek di tjebdit n webluγ-nni, d tirmit ( experience)d tamaynut d ayen ibanen tiktiwin ara ad iniγ ad swehment akk imusnawen, ihi akka nekk ad ruḥeγ iyya (ibedd gar snat tullas-nni) i anita, d tiεwiqt?!
Weεli: ur tufiḍ aεewiq yellan kra yellan iban
Ʃli: ihi yal yiwen ad yili d tin!?
Weεli: ih, ur dzgin ara di tferni i d aɣ-d fernen, yal yiwen yeddu d tin i as-d yezgan
Ʃli: ihi ad nembeddal!
Weεli: d ayen ibanen
Ʃli: teqbel tuzyint?
Tuzyint: ih
Weεli: (i taxemrit) i kem?
Taxemrit: igerrez
Ʃli: (I tuzyint) iyyan ihi
Tuzyint: iyyan
Weεli: (I txemrit) I nekkni??
Akli Outamazirt