Aniwa-t si kurci?
d yiwen wamdan i ḥemmelen taqbaylit, deg wasmi yebda yettisin yettḥawat amek ara yaḥrez taqbaylit n imarawen (lejdud)-is, d amedyaz deg acḥal n yiseggasen aya
Amek alammi i d- tufid iman-ik deg tmedyazt?
ufiɣ-d yemma, d jida, tzemreḍ ad d -tiniḍ tawacult yak ssefrayen.
akken yebɣu yili ur d -luleḍ ara d amedyaz? Neɣ deg yidammen i ak-d -tedda?
yezmer ad iliɣ luleɣ-d d amedyaz, ainwa yezran, siwa yemma i izemren ad d-tini maca temmut fell-as yeɛfu Rebbi.
Aktayen-ik zzin ɣar twacult-ik, amek i telliḍ imiren d yid-sen ɣar tmedyazt?
Lemdeɣ-d ɣer-sen, xas tikwal mačči kan d isefra, kkaten ula s lumɛun, ttmeslayen s lemɛun am akken d inzan
yemma-k ɣas ma tessefray maca ur d -ban ara, neɣ tettwassen xersum deg taddart?
Zik ulac win yettarun isefra, nek ɣileɣ aten-aruɣ imi tedder maca teḥwes-itt lmut, akka d win yestahzayen yeqqaren ahdak tura azekka yettmuddu i uzekka-yin
Amek id -tebdiḍ talilit gar yemdanen d amedyaz?
win i ḥemmelen kra yezga yettaf-d amek ara yeddu d wiyaḍ, amedyaz d ahbib, neɣ d amedakkel n medden alkel, ala win id ibanen ɛinani d aɛdaw, win yettanef-as ɣar tama
bɣiɣ ad d-iniɣ amek alammi id -tbaned ? yella kra n was i tettikiḍ deg taddart, neɣ deg tfaskiwin amek alammi i k-snen medden kečč d amedyaz?
di 197O Muddeɣ 12 Isefra i umaṭṭaf wis sin akken ad aten-cnun, ala yiwen usefri yuɣal-iyi-d nnan-iyi « d tasertit » deg 1972. Asefru amezwaru nniɣt-id deg umaṭṭaf wis sin, deg tedwilt n Benmohamed s tawil n tilifu » allo » taggara xedmeɣ ula d nek deg umaṭṭaf wis sin qqareɣ-d Isefra inu srid
Ihi d aqdim n lqedma?
Akka yedber waglim !
seg yimiren ar tura tessusmeḍ, neɣ tbedleḍ idis neɣ amek?
Tamara, ssusmeɣ. Akken tezrid xas ini neggugem imi ur nesɛi udem,xas ttaruɣ ur ḥbiseɣ ara, maca ini daɣen waxreɣ ḍeffreɣ iman-iw
d acu ara t-inid gar zik ttura ad neqqim kan deg tmedyazt d umedyaz?
yal akud s wakkud-is, yal tasuta, s wazal-is,yal yiwen amek yettwali, tura tamedyazt tettwaxdam am yemdanen, akken ibɣan.
tamedyaz d umedyaz d wazal-nnsen deg tmeti , bɣiɣ ad iniɣ d acu n tmuɣli s wayes i d- ttwalin amedyaz imir d tttura?
tura s waṭas n tlelli i tettwaxdam macci am zik,qrib s tufra, tura tamedyazt tettwaru, aswir n leqraya, n lefhama…aṭas i tuza ɣar zdat…tennerna aṭas
melmi i tebdid tettikiḍ deg temliliyin n tmedyazt?
Di 2011. Deg udrar n ffad deg at smaɛil
yella wanida id tḥellad arraz?
yella-d waraz deg at ziki, ussan-a ineggura deg taddart n lemṣella deg tɣiwant n yillulen umalu
amek?
Arraz deg at ziki yettunefk-iyi deg temzizelt n usefru i d-yufraren ɣef smaɛil azikiw
I deg illulen umalu ɣef wacu i ak mudden arraz?
Asefru i d-yuffraren ɣef tbexsist, acku timzizelt teqqen d usentel ɣef id ttwasuddes tmeɣra id ḍerrun yall aseggas tin imi semman tameɣra n tbexsisin. Ula deg at ziki tella-d temlilit tamenzut n tmedyazt d tajmilt i smaɛil azikiw, dɣa ufrareɣ-d gar imedyazen i d-yewwin asefru ɣef Smaɛil Azikiw
iseffra d tisin i ak-d-ttasen neɣ d lebni i ten-bennud?
yella wanida i d-ttruḥun iman-nnsen , yella wanida d nekk i ittnadin fell-asen
tzemred ad aɣ-d -iniḍ amek?
akka…imeslayen am lɛinser, mi d-luḥqen waman ad zrirgen
aṭas n yimedyazen i d-yeqqaren ur zmireɣ ara ad sefruɣ ɣef kra ara ferneɣ nek. Isental i yiman-nnsen i d-ttasen
isefra d imeslayen, d awal, d ṛṛay, d tamuɣli, d iḥulfan, ayen yezmer wul, allaɣ-ik at yefhem, at iḥemmel, ad yendeh akken at yexdem,yella wamek ara tawḍeḍ akken a t-aruḍ
acu n wimgired yellan gar usefru ara d -yasen d win ara d-tawid neɣ ara d tebnuḍ?
asefru ara d yassen d aḥulfu, asefru ara tebnuḍ daɣen d lebɣi, i teddu, neɣ ibennu s uḥulfu, qrib kifkif, yella win ara d yeɣlin seg yigenni akken yella win d kečč ara iɛerḍen ad tt-aliḍ ɣur-s ɣar igenni.yella win yellan af lqaɛa,yella win yellan deg tciṭa
ma yella tegreḍ tamawt tamedyazt taqbaylit tettnadi ɣef udem n temnna ara taɣ, d acu i tenniḍ deg usiwel i d-sawalen imedyazen isefra-nnsen ?
dayen igerzen imi aya yettmuddu afud i wakken ad issinen ugar, ad lemdem….nutni d wiyad, timenna d aɣerbaz medden yak lemdem am umedyazt am win isellen
teqqareḍ tamedyazt n wiyaḍ ama s tefransist neɣ s taɛrabt?
ilaq leqraya n tmussniwin nniḍen
ɣar yiman-ik , tamaziɣt neɣ taqbaylit akka tella tessaweḍ ad terfed akk isental yellan neɣ mazal?
taqbaylit d lebḥar,ilaq di tazwara ad yettwaxdem ayen yesduklen tamaziɣt, mačči yal wa ad yettaru akken i as yehwa, akken yebɣa,ad neddukel ɣaf yiwet n tutlayt amek ara tettwaru…
lemmer ad ak-yini yiwen d aniwa ik-iheglen deg yimedyazen?
xilla i yellan, maca d Dda Sliman Azem i hemmeleɣ seg temẓi
yella kra n wammud id tessufɣeḍ?
aql-iyi ara ttheyiɣ ma yebɣa yillu qrib
ɣar tezrigt neɣ ɣur yiman-ik?
at tezrigin ugaden ama ad xessren,ihi iy-iman-iw kan
bɣigh ad iyi-d-iniḍ d acu i tenniḍ deg temliliyinn tmedyazt i d yettilin?
dayen yelhan,imi dayen yettmuddun afud i wiyad akken ad nnernin, ad lemden d tafat
S timmad-ik d amedyazt d acu id sfaydayeḍ deg-sent?
Aṭas,ula d nekk lemdeɣ d tabɣest i d-rennu i wakken aneṭṭef ,ad neḥrez tutlayt- nneɣ
deg yiseggasen-a kra n terbaɛt n yimedyazen bɣan ad d-snulfun yiwen ṣṣenf n tmedyazt tin imi semman tamedyazt n yiɣessan , d acu ara d t iniḍ?
tamedyazt n yiɣsan, d awali akin, ad temmeslayeḍ ɣef uxayel, ad taruḍ tidet tazulamt , neɣ ɣef wayen ur nelli, d ayemmi abrid yelli i win yebɣan ad d-yini, yal yiwen d amek yettwali timsal,yal yiwen d amek i tga tmeddurt-is.
awa -a iɣessan ur yelli ara deg tiyaḍ tella tmedyazt n uderrug neɣ ayen imi semman s nnig awali
dayen ara yeqqim d lexyal, xeddemɣ asefru ɣef lexyal deg usseggas 1975 id iɛeddan ugar n1O iberdan deg umaṭṭaf wis sin
Wid issellen i umaṭṭaf wis sin ad ilin ssnent
asnulfu yelha maca asemi yeḥsab-iyi Rebbi mačči ɛeddi kan ad tsemmiḍ?
hhhhhh ! imi yettunefk wawal i wawal anef i wawal ad yessiwel,ini ayen i as yehwan, ur tezmireḍ ara attɣuleḍ ayen i ḥemmelen medden
deg tama n wagnun llan imedyazen iqburen?
llan . Muḥend u Mussa n wagenun i wumi ruḥen isefra-ines, qrib ulac-iten ilaq ad nadi fell-as akken ad naf ma yella kra yeffren ɣar medden, llan ifennanen akka am Urezki Ultac, Ḥamiduc, Sid Mesɛudi…etc
awal awezlan kan , win ara k yinin d acu i ttamedyazt?
d awal iweznen, yesɛan azal ɣar wid yettmeyyizen
acu id amedyaz ?
macci d aderwich
abrid amenzu ideg id -nniḍ asefru ?
1965 asmi bdiɣ sɛugguneɣ s taɛrabt
kečč s timmad-ik d amedyazt, amek tettwaliḍ iman-ik deg tmeti , neɣ tamuɣli n tmetti ɣur-k?
ulamek iliɣ waḥdi,tamuɣli d anadi ma ugar,waqil mazal anadi af wayen igerzen
akli: d acu n wawal ara at inid i at wawal?
d acu ara d-tinid ur t id-nniḍ ara neɣ ur k i d -steqsaɣ ara fell-as?
ayen ɣef wayen ur iyi-d-seqsaḍ ara, anef-as ad- yas kra wass ad-nemmeslay fell-as, yeqqim-d kan ak iniɣ tanemmirt-ik id yerran lwelhak ɣur-i, afud igerzen. Siwa awal zeddigen ay d awa
Isenṭeq-it-id Akli.O