Imezdaɣ n temdint tajḍidt n 556 n tnezduɣin salhi I i d-yezgan deg usamer n temdint n tizi Uzzu, ibɛden s wazal n 6 kl ɣef tlemmast n temdint, yerkb-iten lɣiḍ meqqren ɣef liḥala n temdint-agi yenḥafen aṭas deg yal aḥric n tuddert, ladɣa laɛḍil ixedmen srabes n lgaz, trisiti akked waman i usiweḍ n lecɣal-agi n tudert n yal ass ɣer tnezduɣin. Deg terza- nneɣ ɣer temdint-agi, ayen yeṭṭfen lewḥi-nneɣ s waṭas, d tiwaculin i yettagmen aman seg berra n tnezduɣin, yal wa d acu d allal i d-yewwi i wakken ad t-yaččar. Tamdint-agi n 556 n tnezduɣin, sɛan lexsas deg waṭas n temsal, ladɣa deg tḥuna yemxalafen d leqhawi, d yir liḥala n yibarden s sebba n ikumya yessufuɣen akal seg yisenfaren ijdiden yellan deg salḥi II d salḥi III. Aɣbel-nniḍen icuɣben imezdaɣ, d timḍiqin ustaɛfu, d temḍiqin n tzegzewt (places vertes) ur tesɛi ara temdint-agi ideg ara ilin, akka d kra n yiseggasen, azal n 1800 n tnezduɣin. Sawaḍen yimezdaɣ tiɣri i yimdḍebbren n lwilaya i wakken ad rren lewhi-nsen ɣer temdint-agi i uwennaɛ n liḥala n tuddert-nsen. Asenfar agi yebdan deg useggas n 2008, i yettuɛeggnen ad yettwaxdem deg 36 n wagguren ( 2012), yella-d deg-s laɛḍil meqqren , imi ur kcimen ara imezdaɣ ɣer tnezduɣin-nsen armi d tazwara n useggas 2017, akka u mazal asenfar-agi n Salḥi l urɛad yekfi. Atas n widak yuɣen tinezduɣin deg Salḥi l, ur d-kcimen ar ass-a ɣer tnezduɣin – nsen s sebba n yir liḥala n temdint-agi tajḍidṭ Ali Zalouk
