Tsuddes tddukkla ‘’Ecovolonterre’’ n At Yanni yiwet n tmeɣra iwumi qqaren Amager n tefsut di tedwilt-is tis kraḍet, seg 27 armi d 31 deg meɣres 2018. Ass n aram 27 di meɣres, tella-d tulya tunṣibt n tmeɣra ɣef 10h, anida ḥeḍren yimḍebren idiganen d wid iqeddcen deg uddusen yimgaraden n taɣiwant. Ahil n temlilit s wazal-is, dɣa akka i rran yimsuddsen tajmiilt i Tirac Kamel, i d-sbedden asmussan areygaman, d aqqeru n amezwaru n tddukkla-agi. Deg tazwara, sersen tameqqunt n yijeǧǧigen ɣef uẓẓeka-ines, syin nezhen yimḥeḍren i kra n yicennayen n At Yanni d At Wasif. Mi yezgen wass, tella yiwet n lwaɛda anda čcan seksu s wuftiyen. Kemmlen yirmuden deg uxxam n yilmeẓyen KEDDAC Ali seg 14h armi d 17h anda i d-yella usuneɣ, aferkus, aseḥḥar i warrac, tisihariyin d usenzi n yimɣan d yifarisen idiganen (zzit uzemmur, tament, aɣunan). Am wakken i d-tella, diɣ, timsikent n tɣawsiwin yettwaxedmen s plastik d nwal n leqbayel. Yal ass, yettawi-d amaynut d unecreḥ i yimdanen, ladɣa arrac imectaḥ, imi tameɣra-agi teɣli-d akked yimuras-nsen. Aya, yewwi-d aṭas n lɣaci u teḍra-d tmeɣra di tegnatin yelhan nezeh. Akka i yesnemmer aṭas uselway n tddukkla n’’Ecovolonterre’’ Mass SAƐDI Ḥmed wid akk i d-yefkan afus n tallelt ama si lbeɛd, ama si lqerb. Di taggara, temdel tmeɣra n umager n tefsut tiwwur-as, ass n sed 31 di meɣres. Ferḥen yimdanen, ruḥen s ixxamen-nsen s usirem n tuɣalin ɣer tedwilt tis ukuẓet deg useggas i d-itedun.
Dahlal Chanez