Seld tukerḍa yezrin yakan di tdayra-a n Xeṛṛaṭa ayurren iεeddan di lejwame&epsilon,; ttwaberḥen yisallen ɣef yiwen n umakar i d-ixellqen tugdi d tameqqṛant deg wulawen n yimezdaɣ n tɣiwant-a. Ladɣa segmi teḍṛa yiwet n tedyant, anda i yeṣṣaweḍ umakar-a yewwet s lmus yiwen n umɣar i yesεan 66 n yiseggasen di leεmer-is, yerna yejreḥ-it deg wudem-is akked ufus-is. Rnu i waya, yuker ayen akk yesεa d idrimen. Amɣar-a, iruḥ srid icekta fell-as ɣur yiɣellan n laman, dɣa, nutni seg tama-nsen, ldin tasestant ɣef ccɣel-a. Imi llan yakan wid icektan uqbel n umɣar-a, d akken yella yiwen yettili deg yiwet n tezgi, igezzem abrid i yemsebriden yettεeddayen syin, yessaggad-iten s lmus d ameqqṛan, yerna itekkes-asen ayen sεan d adrim. D ayen i yeǧǧan iqeddacen n temsulta (police) sennden ɣef yisallen-a deg leqdic-nsen. Am wakken i ddmen tinagiwin n wid icektan, i asen-d-iweṣṣfen amek-it umakar-a. Ɣer taggara, ṭṭfen-t yiɣallen n laman deg yiwen n umḍiq iwumu qqaren « Leεwader » sdat n yiwen n yiɣẓeṛ. Amdan-a d N.S , i yessεan 25 n yiseggasen di laεmer-is, yerna yettwassen s lexdayem-is, acku yella yesεa izri aɣedman diri-t. Akaram-is akka tura iεedda deg teɣdemt n Xeṛṛaṭa, dɣa yetturaǧu uzaraf ara ad d-yeffɣen s yisem-is ussan i d-iteddun.
K.K.