Larebɛa yezrin, imezdaɣ n temdint n Bgayet teqber-iten lfuḥa i d-ǧǧan sin n les conteneurs i wwin yikumya ɣer zzubiya n Bulimaṭ. Γas akken, ssbeḥ zik ay kksen les conteneurs-a seg usagen (port) n Bgayet, meɛna semɛuqen lḥala ; lfuḥa-nsen teskuffer ibgaytiyen.
Akken i d-nnan srabes i teɛna temsalt, les conteneurs-a, yiwen deg-s aksum ijemden, wayeḍ d tteffaḥ. Rsen deg usagen n Bgayet deg useggas 2005. Ma d ayɣer ur ffiɣen, wissen anwa yeẓran ! Iban kan yiwen ur yeṭṭɣar ɣer srabes n la douane akken ad yexdem ayen ilaqen i tuffɣa-nsen. Ǧgan-ten dinna almi d-tettali-d lfuḥa seg-sen, dɣa sɛufnen amkan. Rray, ddmen-t imir, beɛd unejmuɛ yellan gar ssrabes n EPB (asagen n Bgayet), la douane akked la PAF (la police algérienne des frontières.); akken ad ten-kksen seg usagen.
I usmekti, deg useggas 2006, teḍra twaɣit am ta. D acu kan, imir d 6 les conteneurs n uksum ijemden i ifuḥen deg lbabur. Win i ten-id-yewwin, akken d-qqaren, yiwen n umɛellem n temdint n Bgayet yesɛan afus ɣezzifen.
D. I.