Deg yiwen wulγu i d-ssufγent snat n tiddukliwin ‘’Tamazgha akked Afafa’’ ddurt iεeddan, nnant-d sin watmaten Mazigh d Madghis BOUZAKHAR refden-ten seg uxxam-nsen srabes n laman n Libya. Sin wusan, mbeεd, uγalen-d srabes-agi wwin akk idlisen n yimeγnasen-agi. Tiddukliwin Tamazgha akked Afafa, wwten-d s leqseḥ di leḥkum n Libya i yuγalen γer deffir di temsalt-agi n tmaziγt : yuγal γer ẓẓur, yuγal γer tid-is n zik.
Deg wulγu nsent, tiddukliwin-agi ḍelbent aserreḥ n yimeγnasen Mazigh d Madghis am wakken grent-d tiγri i yimeγnasen n tmaziγt n ddunit merra i wakken ad walin tifrat n temsalt-a.
I usmekti, Agraw Amaḍal Amaziγ (CMA) yemlal deg yiseggasen iεeddan d Qeddafi. Di temlilit-a, Qeddafi yefka-asen-d udem yelhan u yewεed-iten ‘’ad yexdem kra i tmaziγt’’. Yeṭṭef deg wawal-is ???
Hocine.M