Yanis Haddadou, d yiwen n yilemẓi i yesddukklen leqraya akked ccna. Deg ussan-agi kan i d-yesuzer kra n tvidyutin n ccna deg yiẓeḍwa inmettiyen. Akka tura, la yettheggi album-is amezwaru. Yenna-d ɣef umecwar-is : ‘’Seg zik-iw, ḥemmleɣ ccna. Bdiɣ amecwar-iw asmi sɛiɣ deg leɛmer-iw 15 n yiseggasen. D gma i yi-ideggren i wakken ad cnuɣ deg yiwet n tmeɣra i yellan deg taddart-nneɣ, Tala Ɛetman. Seg yimir, i yebda usirem-im deg umecwar-agi n ccna. Aṭas n yimdanen diɣ i yi-d-yeqqaren i wacuɣer ur tcennuḍ ara, meḥsub ad d-ffɣeɣ d acennay. Acu kan, nekk ḥebseɣ imi i d-lihiɣ deg leqraya-inu, ladɣa imi ttheggiɣ akayad n BAC, xas ulamma zriɣ mačči d ccna ara i yi-iḥebsen ɣef leqraya-inu.
Mi d-wwiɣ BAC, rran-iyi yimeddukkal-iw ɣer uḥric-agi n ccna u fkan-iyi afud. Gan-iyi-d tavidyut mi tt-ɣenniɣ, suzren-tt deg yiẓeḍwa inmettiyen. Syin, aṭas n wid i yi-d-yesbeɣsen u nnan-iyi-d ad kemmleɣ deg ubrid-agi n ccna. Ihi, akken i xedmeɣ. Rniɣ-d tividyutin u rriɣ asenfar-agi deg uqerru-iw, am wakken dayen teddez tebrez fell-i : ad uɣaleɣ d acennay. Aql-i tura la sewjadeɣ album-iw amezwaru. Ssarameɣ ad yili deg lebɣi n wid ara as-yeslen. Ad snemmreɣ akk wid i yi-d-yefkan afus n tallet deg umecwar-agi-inu, mebla ma ttuɣ tawacult-iw.
Hocine Moula