Par DDK | 20 Aout 2018 | 1057 lecture(s)

Tizi Uzzu

Ugar n 3 000 n yimsenziyen ara ixedmen di lɛid

I wakken kan ur ttxasan ara yisufar n wučči di sin wussan-agi n lɛid, teḍmen tenmehla n tunzut n Tizi Uzzu ugar n 3 280 n yimsenziyen ara yellin tiwwura n tḥuna-nsen di sin wussan-a sdat-nneɣ. Ɣef wakken i t-id-yenna unemhal n tuddsa-agi, Mass Adjabi Kada: “Nhegga-d ugar n 3 000 n yimawlan n tunzut deg 67 n tɣiwanin n lwilaya n Tizi Uzzu, annect-agi i wakken ad neḍmen tilin n yisufar merra n wučči deg wakal n lwilaya-nneɣ”. Dɣa i lmend n waya, ttuɛeggnent wazal n 140 n lkucat n uɣrum akked 2.780 d imsenziyen n tḥuna n lxeḍra d lfakya. Azal n 300 n yimsenziyen-nniḍen, ad ilin i lmendad n leqdicat-nniḍen yemgaraden n tunzzut (leqhawi, tiḥuna n lqqec...) akked wazal n 4 n lluzinat n uyefki d 7 n tesyar. Ad ilint diɣ snat n tferdisin n ufaris n waman n tissit...atg. Am wakken ara d-ilin wazal n 48 n yimeggan (agents) ara d-yelhin s uraqeb n yimsenziyen i wakken ad tɛeddi deg tegnatin yelhan. Am wakken daɣen i d-yuɣal ɣer txeṭṭiyat n yimsenziyen ur nettqadar ara isuḍaf-agi, dɣa yenna-d: “Ad d-smektiɣ imsenziyen yettwajerden i wakken ad ilin d imzeggan (permanents) deg lɛid, ma yella ur quddren ara timzeggit-nsen, ad ttwaxeṭṭin s tbezzart n 20 000 DA ar 30 000 DA neɣ aɣlaq n tḥuna-nsen...”.
Adaoun Ghani

0