Tettraḥ-d tẓunẓut, d lehwa tamezwarut…d rriḥa n wakal deg wagur tlelli. Tuber d taruzi n usalu, d idmim deg ufus, d asennan deg uḍar..Tuber d lḥebs zedɣent taktiwin, d tẓunẓut ur yečči yiwen, asewwi sewwen-tt, temmečč s wallen.. Tuber d taẓunẓut deg-i ḍebɛen iḍarren n wid tegguni tikli..Tuber d imeṭṭi, d tira, d icerrig n wayen yuran, tira n bessif. Tuber d tacemmaɛt yerɣan, din din, ur d-tessaweḍ tafat , teqqim d aseqḍiḍ ar ass-a n wussan.. Tuber d asirem, d taɛeqqayt n rrmel yettawi ubeḥri n tlelli, akin akka, tarusi-s s wefran, deg wakal deg-i d-meqqin yemguden n leḥlal..Tuber d tiqit, tiqit n lebɣi, am tɛeqqayt n rrmel yesqerqec yiṭij di rrmel n ssḥari , acrured i unaɣur, ar “daxel , ul d awaqur, ad yecnu tayri”..
Zira