Akken twalam, nek d abibiḍ. Milmi kan i d-luleɣ mbla ma icawer-id-yiwen. Mais bon, tura aqli da, yerna am umesmar n ǧeḥḥa. Asmi akken lliɣ deg tɛebbuṭ n yemma i ḥsiɣ belli anda akka ara d-ɣliɣ mačči akk d tamurt. D’ailleurs, awal amzawaru i ḥefḍeɣ asmi akken i lliɣ d foetus d “ulac ! ”. Ulac zzit !, ulac aɣrum, ulac ssabun n tmacint, ulac trisiti… Lḥasun mačči d yiwet la négation i wumi sliɣ. Qqareɣ-as : ihuh, d acu-tt tmurt-a n wulac, n lqifar, uɣer tedduɣ !
Tlata wussan uqbel ad d-laleɣ , ddiɣ di tɛebbuṭ n yemma ɣer sbiṭar. Ass-nni dɣa i yixreb sérieusement lmux-iw. D’abord, je me suis rendu compte belli mačči ḥala yemma, baba, setti… i yellan di ddunit. Ensuite, tagi d axessar akk, taqbaylit-nni waqila ḥala yemma i la tt-iheddren. Ass-nni i deg d-luleɣ, rran-iyi ɣer yiwet n tebbaṭ n zǧaǧ. Din iyi-d-qubel un comité d’accueil : sin ikafaren d yizi. Tameddit-nni, sufɣen-iyi-d si tebbaṭ ad ṭḍeɣ, ad iyi-tẓer twacult-iw. Seg yimaren i bdan ssufran leḥnak-iw si tmamaḥin. Win d-iḍalen ɣer dduḥ ad iyi-sum. Ɛyiɣ qqareɣ-asen ulac mmaḥ, maɛna am win iceṭṭḥen i uderɣal… Ur ɛeṭleɣ ara di sbitar. Azekka-nni fɣeɣ-d. Deg wexxam, ulac anida ara tesserseḍ aḍar-ik. Tawacult, leḥbab n baba d yemma d lǧiran ruḥen-d ad iyi-suwitin la bienvenue ɣer ddunit. Yemma sserwan-as timellalin, nek tikustimin. kra n temɣarin kecment-d s uslilew d “lḥemdu lelah imi d aqcic !”. Ihuh, ɛniɣ zemreɣ ad d-laleɣ d ayen niḍen !?. Kra, seg wid d-iruḥen ad iyi-saden, ssudunen-iyi si tebbuct. Imir i bdiɣ ḥessuɣ acḥal i qersen les adultes. Seg wasmi d-luleɣ ar ass-a ḥeḍreɣ-as i “one, two, three viva l’Algérie !” D widak-nni k-yeqqaren ulac i yettuɣun “one, two…” Ruḥ, tura keč fhem les adultes-agi. Azekka d yennayer. Mazal ur fhimeɣ ara d acu-t exactement yennayer-agi. ẓriɣ kan belli iḍ-agi d seksu d uyaẓiḍ. Nek d abibru n l’importation.
T.Ould Amar
* teffeɣ-d tekrunikt-a di yennayer 2010