I tikkelt tamenzut, tiddukla n yimeεḍar d yimeddukkal-nsen n tγiwant n Wizgan, sudsen-d yiwen n leqdic s wazal-is i lfayda n yimeεdar yewḍen 18 n yiseggasen di leεmer-nsen ass n 05 yennayer-agi yezrin.
Tufγa-agi tella-d γer yiwen n yiger i d-yefka umezdaγ n temnaḍt-agi iwakken a d-leqḍen azemmur, iswi n leqdic-agi d tikci n wafud d yiseγ i yimeεdar iwakken ad xedmen, daɣ ad kecmen γer tmetti…..
Seg tama nniḍen, Tiddukla n yimeεdar d yimeddukkal-nsen, s lemεawna n tiddukla tagreγlant n yimeεdar d tiddukla n tallelt n yimeεdar n warrac imecṭaḥ n temnaḍt n Ornans de Besançon n tmurt n Fransa, sudsen-d yiwet n temlilit s teγzi n sin wussan, 08 d 09 yennayer 2012 γef demma n usenfar n lemεawna d tikci n wallalen iwulmen i yimeεdar akken ad awḍen ss shala ɣer yiγerbazen.
Iεeggalen n tiddukla tagraγlant n yimeεdar i d- yerzan γer temnaḍt n Wizgan, mass Hugues NOUVALLET, akked Aude BUMBACHER, mlalen akked yimḍebren n tiddukla n yimeεdar n Wizgan, wid n tγiwant n Wizgan d wid n tmehla n tmetti n Tizi-Wezzu. Syen sqerdcen tilufa akken iwata, anda i d-ufan tifrat i waṭas n wuguren.
Islam Bessaci