Tuγal-as tejmmilt i Nabila Djeḥnin ass n 7 di meγres 2012 deg uxxam n yidles Lmulud At Mεemmer.
Nabila Djehnin d taneγmast deg yiseggasen n 80 d 90. Yenγa-tt rrebrab ass n 15 di furar 1995 di tizi wezzu. Nabila teqdec u tennuγ γef yizerfan n tmeṭṭut d yidles aqbayli. Tajmilt teḥḍer-itt ultma-s Habiba i d-yewwin yid-s asaru s uzwel «Lettre à ma sœur». Tajmilt ḥeḍren-tt kra n wid yesnen Nabila d yimeddukal-is n umennuγ di tesddawit imi nettat d tanelmadt deg l’architecture am Rachid Hamadache , Said Khellil, d Mohamed Seddik Akrour, melba ma nettu Malika Bouhadef i yellan d yiwet gar tid-ak I d-yesnulfan « Tiddukla Tiγri n tmeṭṭut» anda i tnuḍeḥ Nabila.
Kra n cfawat i d-yeqqimen γer yineγmasen γef Nabila. Γef waya, yenna-d Said Khellil :« Nabila ur tesεi ara lkerh, xas akken ur d-nemmezgi ara deg tiktiwin tisartiyin maca ur yelli wayen n dir gar-ane&gamma,;tezga tettmagar-id s teḍṣa, Nabila mazal-itt tedder gar wallen-iw imi temmuger-iyi-id tenna-d: ttḥader iman-ik, nekk di tallit-nni lliγ d imḍebber di FFS. Ihi Nabila tettxemim γef wiyaḍ nettat tettu iman-is, daγen teqdec aṭas di le boycott scolaire…» Γer taggara, ad d-nesmekti tajmilt-agi tella-d i lmend n wass agraγlan n tmeṭṭut 8 di meγres sγur tidddukla tadelsant “Asurif” s lemεawna n Uxxam n yizerfan n Tizi Wezzu d Uxxam n yidles Lmulud At Mεemmermer d tiddukla tadelsant “Amgud”.
D. Said Lhadj.