Mi d-yelḥeq Yebrir, ad d-nesekfel daɣen ijeqḍuren-nneɣ, ad nelḥu deg yiberdan s tbeḥnuqin si yal llun, ad d-nheyyi isaragen deg tesdawiyin akked d yixxamen n yidles, ad d-mmeslayen cwiṭ fell-aneɣ deg yeɣmisen (ad d-mmeslayen s waṭṭas, ma yella yekker cwal, ladɣa ma uzlen idamen)…
Tameddit mmaḍi, mara ifuk cérémonial i d aɣ-yessenṭeḍ am ujeǧǧiḍ le FLN, ad nennejmaɛ s ixxamen-nneɣ. Seg yimir d xuxuc, alamma tewweḍ-d Tefsut nniḍen.
Gar Tefsut d tayeḍ, nettawi “lewhi s wawal”. Rnu, d acu n wawal ! Abegges yuklalen akken ad nesnerni di ccan n tutlayt, mazal ur d as-d-nestufa ara. Lukan di tezmert i tt-nuɣ, maɛḍur-it! Ulac akk d acu i d aɣ-ixussen. Les ingérdients-nni llan (tadrimt akked d “tmusni”). Wali-t kan sani yessaweḍ Ben Yahuda taɛebrit !
Bien sûr, nettaf-d ssebbat i facul-nneɣ. Neqqar-as: d adabu amesbaṭli, d DRS, d lxubata, d aɛraben … i yettruzun tutlayt-nneɣ. Nreggul seg yiman-nneɣ.
Anwa d wacu i yeṭṭfen isdawaniyen-nneɣ ur teddun ara deg yiwen webrid deg taluft-agi n umawal ? Anwa d acu yesqiṭṭan abrid i yimarkantiyen-nneɣ ur d-ssufiɣen ara iɣmisen s teqbaylit ara yernun, ahat ugar n uɣerbaz, lǧehd i tutlayt di tmetti ? Mi testeqsaḍ akka, ad ak-inin: awah, keč d nniya!
Ussan-a tesedduy yiwet n terbaɛt une pétition bac ad d-yeffeɣ weɣmis aɣelnaw n yisallen s tmaziɣt. Akken telḥ cwiṭ, bdan les partisans du moindre efforts, qqaren-ak : ad aɣ-d-subɣen El Moudjahid s tmaziɣt, ad tarun s taɛrabt… Nutni ẓran amek ara yili ujarnan, ur d-nlul. ad ner lwelha-nnaɣ ɣer yiwet n temsalt : uqbel ad d-lalen isebtar-agi n tmaziɣt deg DDK, ḥala El Moudjahid i yesɛan yiwen usebtar n yisallen s tmaziɣt, rnu s tlatinit. Iɣmisen-agi nniḍen idimuqratiyen i iḥemlen tamurt n leqbayel di cwal (axaṭar cwal yeselḥuy ajarnan), werǧin tella tutlayt d aɣbel-nnsen !
Taluft n caractère facultatif n tmaziɣt deg uɣerbaz, yella wasmi i d as-nebegges? Rnu, imḍbren n tenmehla, amedya di Tubiret, menɛen-asen i yinemhalen n yiɣerbazen ad d-skuflen le caractère-a. Ɣas akken, yesekfel-it-id yiwen unemhal d…aqbayli, di teswaɛt anda, anemhal nniḍen (d aɛarabawel) yekkat amek ara tettuselmed tmaziɣt deg uɣerbaz-is.
Atan sani nessaweḍ : nettak awal i wawal.
Salas.O.A