Bgayet : smana n teḍsa, anagar taḍsa !

Partager

Tuɣal-d Tesqamut n Tmeɣriwin n temdint n Bgayet di tikkelt-ines tis semmus (05) ta ɣer ta, s yiwen n wahil yettunefken anagar i teḍsa ! Iiiih, ɣef teɣzi n ddurt, seg wass-nni n larebɛa 25 alamma d 30 yulyu 2012, deg unnar n Nnasiriya I d-yezgan di temdint n Bgayet. Am leɛwayed-nsen, iẓeffanen(comédiens) ara ihewwlen tamdint n Bgayet ad ten-an uɣalen-d, w win-d yid-sen taḍsa d ucmumeḥ. Atas n trebbaɛ n yiẓeffanen yettwasnen i nezmer ad nwali ilmend n ttiɛad-a, ad d-nebder gar-asent; tarbaɛt n “Lefhama” s Hakim, Dallal, Hassan, Attalah akked wiyiḍ, akken daɣ tella deg wahil tarbaɛt-ma tecfam-as- “Bila Houdoud” s Nacer-Eddine Begga, “Mama Messaouda”… d waṭas n tiyiḍ. Lḥasun, azal n 30 n trebbaɛ ara d-yalin s adebder (scène) n wannar n Nnasiriya ɣef teɣzi n smana akken ad sseḍsen w ad settun leɣla n temɛict, deg wayyur-a n Remṭan, i yimezdaɣ d yinebgawen n temdint n Bgayet.

Samir At Buɛza

Partager