Tserreḥ-d ccetwa i ssem-is. Aḍu, asemmiḍ, lehwa, adfel, abruri, radegga, trisiti truḥ, aman gersen, l’antenne n Djezzy teɣli-d, timɣarin tekcem-iten tergigit, imɣaren zzalan nnafila… Taddart yefffeɣ-tt leɛqel. Iḍ-nni, ur yeḥulfa i wacema Ḥmimi. Tuɣ-it yessefruw d yeqbucen akk d “la pelure de Wagnun’’. Yeswa almi i as-yeɛreq ula d isem-is. Yettuɣu : « nekkini d le colonel O’neil n SG1″. Iɛreq-as ula d abrid. Bac ad yaɣ win ara t-yawin s axxam, yeṭṭef win i yessufuɣen si taddart. Yelḥa almi yeǧa arkasen-is deg waluḍ. Isenned ɣef tzemmurt, yecmumeḥ, yeqqen taṭucin-is am llufan-nni yerwan tabbuct n yemma-s. Akken kan yemdel allen-is, yaf-d iman-is tama n tewwurt n yitran. Colonel Ḥ’mimi n INU1 (Iɣil N Ulac1)!? Imuqel la porte des étoiles, imuqel iman-is, yenna-as : » aqli tama n tewwurt ara yi-yawin anda bɣiɣ. Imi zemreɣ ad inigeɣ deg le temps , acimi ur ttinigeɣ ara ɣer deffir, ad sextiɣ taɣyulit n umezruy? » Ixemmem citaḥ, yaf belli lukan ad iruḥ ɣer Tuber 88, yezmer lḥal ad ibeddel kra di la constitution i d-yurwen 60 hizb. Iqubel tawwurt, yesxentec di tqeffalin, yura: »Hydra, 5 Octobre 1988″. Amcwar akka, yaf-d iman-is di lbiru n Chadli. Saɛa d 12 n yiḍ. Lberzidan mazal yeṭṭis. Iserkasen tefɣen, wiyaḍ keccmen . La révolution stan smith tqelleq adabu. Colonel Ḥmimi yeɛqel yiwen si taddart-is. Fɣen akk, yegra-d lberzidan weḥdes. Yesmar-d cwiṭ n Hamoud Boualem, yiqqim. Amecwar akka yeslalew tilifun : » allo ! oui. Yaxi qutlek blad li ma fihac macakil, ma hic blad ! » Am deg film-nni » les anges du paradis « , H’mim ur tettwalin ara. Maɛna ad as-sselen. Iqereb ɣer lberzidan, imuqel ma dɣa d sseḥ d lɛarɛar i yettkeyif, yenṭeq :
– Azul ya sidi lberzidan !
– Besmi llah raḥman raḥim ! azul ? Naḍu tanik leqbayel? D’abord, ckun n ta ?
– Ana Ḥya sid lberzidan . ǧit min Iɣil n Ulac !
– ….?
– Ǧit min 2006. Xellit Butefliqa huwa lberzidan. Yestewtew lberzidan snat n tsurtin, yestexfer, yuɣal yeṭṭes ɣef ufutay. Yuẓa colonel Ḥmimi ɣer lbiru, ijebed-d leqjer, yufa le dernier bulletin scolaire n Chadli, yeɣra deg-s l’appréciation n ccix n tefransist : « élève sans avenir ». Yecmumeḥ, Ixemmem-as un coup, yenna : « ilaq ad wweteɣ azrem s aqerru. Ad ruḥeɣ srid ɣer 1962 »
T.Ouldamar*Tugna n Djamal Amriou