Uggur usuffeɣ n waman ur nezddig ara mazal yettkemmil deg Waḍiyen
Tesfaydit lasiti n 100n tmezduɣin i d-yezgan di tlemmast n temdint n Iwaḍiyen , i ibaεden ɣef lwilaya n Tizi uzu s wazal n 35 n yikilumitren , s uεiweḍ n teftilin n baylik , mebεed imi d tella lexsara n wazal ameqqran deg-sent, d ayen i yeǧǧan imezdaɣ n tamaḍt-agi ad εacen deg sufri, ineggura -agi uɣalen ur zmiren ara ad ddun deg yiḍ mebla asexdem ama d tafat n uburtabl neɣ ayen niḍen, asufri -nsen yettzad ladɣa tisebḥiyin deg ussan-agi n cctwa, maca ɣef leḥsab n wayen iɣ-d-yuwḍen d asali, taluft n ṭṭlam n yiberdan di lejiha-agi as-tuɣal tilas gar-aneɣ d kera n ledwar kan, anda ara ad uɣal tafat ɣer iberdan n lasiti n 100 n tmezduɣin di tɣiwant n Yiwaḍiyen .si lejiha niḍen sutren imezdeɣ n lasiti-agi si tɣiwant-nsen fferu n taluft yerzan asuffeɣ n waman ur nezeddiɣ ara i irran taneggarut-agi ad tettidir deg uɣbel meqqren ara d-yeglun ɣef leḥsab n yimezdeɣ s lehlakat ama i nutni ama i tarwa-nsen, ladɣa aman-agi ur nezddig ara yettwaggad ad xelḍen akked waman zeddiɣen i sexdamen i tissit, ama akken i d-teffeɣ rriḥa ur nelhi ara seg imukan anda ittnejmaεen waman-agi yal mi ara zadent tseddarin n lḥamu, imezdaɣ ss sseba n waya ggren tiɣra i wid taεna temsalt akken ad gren iman- nsen s lmeɣawla.
Malika Kebaili