Iruḥ yiwen wass Ǧeḥḥa ɣer ssuq, yuɣ-d aɣyul icudd-it-id s umrar la t-id-yezzuɣur. Tebɛen-t-id sin yimakaren. Iruh yiwen yefsi-d amrar-nni, iga-t i temgarḍt-is, wayed yeṭṭef aɣyul-nni, yerwel yis-s mebla ma ifaq Ǧeḥḥa. La ileḥḥu abrid, abrid, cit kan yezzi ɣerdeffir, dɣa iwala d amdan iicudden ɣer umrar-nni mačči d aɣyul, yewḥem, dɣa, yenna-as :-Anda-t uɣyul-nni ? -Yerra-as-d winna : d neek.-Yenna-as Ǧeḥḥa :Amek akka yeɛni ?-Yenna-as : Ur ttaɣeɣ ara awal i yemma dɣa tedɛa-yi, tenna-d : ad ak- yer Rebbi d aɣyul. Mi d-ukiɣ ssbeḥ ufiɣ-d iman-iw d aɣyul, dɣa, tewwi-yi ɣer ssuq tesenz-iyi i winna uɣur i yi-d-tuɣed.Ma tura aql-i ad ḥemdeɣ Rebbi imi i yi-tsemmeḥ yemma uɣaleɣ-d d amdan.Ynna-as Ǧeḥḥa : Ceyleleh a ddunit, amek ad ak-sqedceɣ kečč d amdan! Ruh ddu d ubrid-ik. Yefsi-as amrar-nni, yenna-as : maɛni ɣurek ur tettaɣeḍ ara awal i yemma-k ! Yerfed allen-is s igenni yenna : ad d-yefk Rebbi xir n wayen i yi-yekkes. Tezzi-d ddurt, yuɣal Ǧeḥḥa ɣer ssuq ad d-yaɣ aɣyul, dɣa, yufa aɣul-nni i d-yuɣ ddurt iɛeddan. Yuẓ ɣur-s, imekken imi-s ɣer umeẓẓuɣ-is, yenna-as : ayamcum, yak nniɣ-ak aɣ awal i yemma-k, ɣurek ad tt- tesserfud!Ccah deg-k, tuklaled ayen yeḍran
yid-k.
Said Bouda