Tajmilt i Qasi n Tizi wezzu

Partager

Tuɣal-as ass n ssebt 30 deg wayyur n meɣres, tejmilt tameqqrant i yiwen gar wudmawen mucaεen deg uḥric n tẓuri. Wagi, d Qasi n Tizi wezzu i ilulen di 1831 di Beni wartilan, di lwilaya n Sṭif. Deg uxxam n umezgun Kateb Yasin , i d-tella tmelilit-a anda  i  ḥeḍren yimdukkal d leḥbab n unaẓur-a i yuran isem-is s yisekkilen n wureɣ deg umezgun, imi yessaweḍ, netta d yerfiqen-is,  ad d-rren taḍsa ɣer daxel n twacult tazzayrit, s usekles n  wazal n 6000 n tceqqufin n umezgun d tedwilin n teḍsa ama di tilizri neɣ di rradyu n lezzayer. Aṭas n wudmawen yettwasnen deg uḥric-a i ixedmen yid-s wid yecban , Hasan Lḥasani  neɣ  Bubegra, Qriqec, Salaḥ Sadaoui d wiyaḍ nniḍen. Tajmilt-agi i as-yuɣalen I tgejdit-agi n umezgun mi akka yessaweḍ 82 n yiseggasen di lɛemr-is, tejemε-d aṭas n yimdanen i t-iḥemlen ɣer tzeqqa  anda i d-tella tmeɣra tameqrant ɣef ddemma-s, gar-asen Farida ṣabunji, ṭaleb Rabeḥ d Mama Mesεuda, i yerran tajmilt-agi d tagnit i teḍsa d unecraḥ yal mi ara d-uɣalen deg umeslay ɣef cwiṭ si tudert n Qasi n tizi wezzu.            

 Malika Kebaili

Partager