Deg tɣiwant n Aḥnif (40 kms ɣef Tubirett) Ɣef rrif n webrid aɣelnaw wis 5, d ttirac n weẓru azegzaw yersen. Ṣṣenɛa n weẓru azegzaw tettwassen aṭaṣ deg tama-agi. Iflissen (Les tailleurs de pierres), neɣ wid i xedmen iẓra-agi izegzawen, d-agi i « d-lluzin » nsen. Yal ass, nettaf-iten dagi, xedmen iẓra-agi. S tefḍiṣin gezzmen aẓru ur neɛdil ara, ttarran-t amzun ttabrikt i d-ifɣen seg lluzin! Iflissen-agi snen lḥirfa nsen, mači ɛeddi kan ad tgezem-ḍ aẓru azegzaw, yesɛan tatiknikt-ines (Technique de taille). Iflissen-agi d-inaẓuren yuklalen leqdar, acku ar t’musni-ag i i sɛan deg weḥric-agi, sɛan daɣen ṣber lakked tayri i ṣṣenɛa-nsen, ur neshil ara, ma ilaq att- id-nini ! D-acu, ṣber ilaq ad yili, acku lḥirfa-agi tesɛa aṭaṣ n-iɣublan. Yiwen wass, iflissen-agi zemren ad zenzen ayen i sɛan ,ass nniḍen ulac ula d-adinar ! Ɣef akken i-ɣ-d inna yiwen degsen: » Axeddim-agi iteddu ɛla ḥsab la demande n medden. Ma tella s waṭaṣ ad yili uxeddim, ma ulac ittaɛar… ». Iflissen-agi aṭaṣ degsen ur cudden ara ar la casnos. Ur sɛin ara la couv erture sociale, acku ɛla ḥsab kra degsen lexlaṣ n « la casnos » lakked « les impôts » ɣlayet mliḥ fellasen. « Ihi, aqlaɣ n xeddem mebla lasuranṣ…ayen yebɣun yili… » Akken i d yenna yiwen degsen. Ɣas akken lbiɛ n lmitra n weẓru azegzaw yewweḍ ar 1000 idinaren, « ayagi mači d-ayen ar aɣ isrenbḥen! » yenna-d Musa, yesɛan azal n ɛ8 isegasen. « Nekni nettaɣ-d aẓru-agi deg lmina n t’ṣeddart, n ttxeliṣ fella-s asikel, ur nesɛi ara lfayda aṭaṣ deg lḥirfa-agi » ikemmel musa deg wawal-is.
Syphax.Y