‘’tamḥeqqranit n warrac imeẓẓyanen gar sebbat n twaγiyen-nsen. ’’
CHIKH Razika d yiwet gar n tmeḍebbrin n tiddukla ‘’Femme Active’’ n temdint n Tizi Uzzu. Nemlal-itt ass-nni n umeznu n yunyu, ass agraγlan n yigerdan, deg uxxam n yidles Mulud Mεemmri, anda i d-heggan leqdic i lmend n tmeγra-agi. Temmeslay-aγ-d γef wahil d yiswiyen n tiddukla-agi-nsent.
Aγmis n Yimaziγen : d acu txeddem tiddukla-agi ‘’Femme Active’’ ?
Razika CHIKH : tiddukla-nne&gamma,; telha-d s tmetti : tameṭṭut, tawacult akked yigerdan. Nettaεraḍ s leqdic-agi-nneγ akken ad nessefhem i yimdanen sebbat n twaγiyin i yegten di tmetti-nneγ. Ladγa tiwaγiyin i d-icudden γer warrac imecṭaḥ. Aya, yettili-d s tmeskaniyin akked yisaragen i nxeddem yal tikkelt.
Leqdic am wa, d tamsalt n yimdanen merra, meqqer cγel-is.
D tidet, d tamsalt n tmetti. Γef wanect-a, dγa, i nxeddem yal tikkelt akked tamiwin i teεna temsalt. Leqdic-nne&gamma,; yettili-d s lemεawna n yimusnawen d yimḍebbren n lwilaya.
Ma tzemreḍ ad aγ-d-tiniḍ d acu n twaγiyin i yeṭṭuqqten di tmurt n Leqbayel ? D wamek i yezmer umdan ad iḥareb fell-asent ?
Tamezwarut d aneḥbus-agi γef leqraya, nekk qqareγ-as ‘’astixer’’. Acku d lakul i d-yestixiren arrac. Xas ulamma sεan lḥeqq ad γren alamma wwḍen 16 n yiseggasen, meεna amur ameqqran deg-sen ḥebbsen-ten-id uqbel. Tis snat, d astehzi n yimawlan di tarwa-nsen, ayen yeğğan arrac-agi ad ḍefren yir iberdan. Tis tlata, d asexdem am waklan n warrac imeẓẓyanen. Ihi,aya akk, igellu-d s waṭas n twaγiyin, mačči kan mi ara yili meẓẓi, meεna ayen yedder di temẓi-s ad as-d-yekfel di temγur-is. Tamḥeqqranit n warrac imeẓẓyanen gar sebbat n twaγiyin-nsen. Γef wanec-a, i nettaεraḍ ad d-nawi awal u nettweṣsi imawlan akken ad ḥadren γef tarwa-nsen, akken qqaren ’’ameyyez uqbel aneggez’’.
Awal aneggaru
Ilaq ad neḥsu d akken timetti tebna γef twacult u tawacult tebna γef umdan. Ihi, ma yella umdan iṣeggem, tamurt ad tseggem. Tamsalt teεna akk imdanen. Akka i as-qqaren : ‘’win yebγan ad tseggem, iṣeggem iman-is. ’’ Tanemmirt-nwen, afud igerrzen i Uγmis n Yimaziγen.
Yesteqsa-tt Hocine. M