Imezdaγ n 20 n tudrin ger 23 tesεa tγiwant n Wizgan, begnen-d lγiḍ-nsen ass n 24 yulyu yezrin s waγlaq n wemḍiq uḍeggar n yiḍuman n tγiwant n Wizgan, id-yezgan deg tama n uzaγar, seba n lemḍarat meqren swayes id-tegla i twenaḍt d wesluγu n tgemi, imi deq n tudrin i yedren deg acḥal iseggasen tignatin yuεren aṭas s zdat n wuggur-agi i izemren ad-yeglu s lemḍara i tezmert n wemdan. Ixedamen n tezdeg n tγiwant n Wizgan, senqasen iḍuman s uṣarγi, dayen i d-ixelqen ugur meqren i yemdanen di lexṣas n lhawa d tmuγli sebba n dexan i d-ittefγen seg-s, arnu tgellud s tmeswin id-ittekaren. Si tama niḍen ifellaḥen ttcetkin γef aγbel n iḍuman-agi, imi tibḥiren lluγent, rnu agelmim n wamman swayes swayen yezga-d ddaw n yiḍuman. akken isḥasfen aṭas γef tmettant n deqs n tzizwa d lmal-nsen. Dγa deg ussan-agi iεeddan, ibban-d yiwen n wuggur meqren, wagi d aḍeggar n lğifat n yiγarsiwen yemuten, am yeqjjan, isardyan, izamaren d waṭas niḍen. Rnu deqs n yemdanen id-yettasen si tγiwanin niḍen mebla lqanun, semmarayen iḍuman-nsen di tlemast n webrid, dayen id-ixelqen ugguren meqren i uεeddi n yemsebriden yettawin yal ass abrid uzaγar s tawil n ṭumubilat. Iwesmekti kan, taγiwant n Wizgan tesfaydi-d deg seggasen yezrin s tedrimt meqren i useggem d ureqqaε-ines, maca yella-d laεḍil meqren di lxedma-s.
Γer tagara, imezdaγ n tγiwant n Wizgan sutren deg yimḍebren taεna temsalt akken ad-lhin s lebni n wemḍiq uḍeggar n yiḍuman s tawil atrar (C.E.T), i uḥareb γef twenaḍt d tezmert n wemdan.
Islam Bessaci