Léa Si Salah d tanelmadt deg uγerbaz uslig (privée) deg temdint n Tizi Uzzu. Tettekki deg temsizzelt n tmaziγt i d-yellan deg rreḥba tis 6 n tfaska tadelsant ‘’Taγuri n wurar’’ deg uxxam n yidles Mulud Mεemmri anda i tewwi arraz amezwaru n tmaziγt. Γef wanect-a, dγa, tenna-aγ-d : ‘’ttekkiγ deg temsizzelt i yellan deg rreḥba tis 6 n tfaska tadelsant ‘’Taγuri s wurar’’ anda i d-wwiγ arraz amezwaru deg tmaziγt. Neγra, nessawel-d tiqsiḍin, timseεraq yerna nexdem iluγma. Imuras-iw akk sεaddaγ-ten dinna. Dayen yelhan, ssarameγ ad tili rreḥba tis 7 aseggas i d-iteddun.’’
Aṭas n yinelmaden i yellan aseggas-agi deg tfaska-agi. Ugar n 1250 i yekkan deg-s.
Afud igerrzen i yal yiwen, tanemmirt i Léa
Hocine.M