Tiddukla n yimaεder d yemddukal-nsen n temnaḍt n Wizgan, ger tiddukliwin meqqren i iqedcen deg uḥric n tmetti di lwilaya n Tizi-Wezzu, id-illulen deg seggas n 2001, tger irebbi i uḥareb γef izarfan n yimaεdar sumata. Amecwar n tiddukla-agi d win γezzifen u dwin zeddigen, imi yal seggas tettnarni deg ayen yelhan, anda i tesbed deqs n yisenfaren s wazal-nsen, am uγarbaz n yimaεder (CMP) di temdint n Wizgan, axxam n tujya ilfayda n yimaεder d yemdanen yenxeṣen. Maca imḍebren n tiddukla-agi n imaεder sḥasfen aṭas γef iεewiqen d wugguren i izemren ad-xelqen laεḍil meqren d wugguren seba n yemḍebren n tγiwant n Wizgan i iεezmen akken aten-sufγen deg wexxam naγ lemqar n tiddukla i ṭfen s lqanun deg useggas n 2013 ar ass-a. Si tama niḍen sḥasfen aṭas imi ur d-sfaydin ara am tiddukliwin niḍen s lemεawnat id-tettak tγiwant ilfaya n tiddukliwin. I wesmekti, tiddukla n yimaεder d yemddukal-nsen n temnaḍt n Wizgan tjared 1216 n yimaεder i ittewfarqen γef 08 n tγiwanin, Wizgan, At-Zikki, Illulen umalu, At-Yeğğar, Ifiγa, Iεekkuren, Imsuḥal d swammaε. Γefugguren-agi merra, tiddukla n yimaεder, imawlan-nsen d yemddukal-nsen, gren-d tiγri seg ul i yemḍebren taεna temsalt akken ad-sifsen taεkkemt fell-asen, s tikci n ufus n tallelt akken i wata lḥal, i usebγes n tiddukla-agi i iqedcen γef izarfan n imaεder.
Islam Bessaci