Kra n wudmawen.
Ahmed Nekkar. D ameɣnas ameqqran n tmaziɣt. yettwaṭṭef ɣer lḥebs deg tefsut n yimaziɣen (1980). D amyaru. Aṭas i yura n yidlisen, gar-asen : yugar ucerrug tafawet, gar ẓzebra d ufḍis…atg. D anemhal, diɣ, n tezrigin ‘’Tamagit, Identité’’.
Mehdi Oukacha. Yurar, yakan, kra n yiseggasen ɣer terbaɛt n JSK.
Youcef Guerbas. D acennay ameqqran n tmeɣriwin. Icennu deg taddart yal tikkelt mi ara t-necdent tdukliwin.
Achour Oukacha. Yesɛa turagt (licence de musique). Yekkat agiṭar i yicennayen imeqqranen, am Idir, Ferhat, akli Yahiatène, Nouara, Ideflawen…
Dr Brahim Oukacha. D aselmad n tusnakt deg tesdawit n Tizi Uzzu. Yura aṭas n yidlisen d yimagraden, gar-asen : ‘’Programmation linéaire, cours et exercices corrigés’’ ; ‘’Probabilité et statistique, cours et exercices corrigés’’. Ittekki, diɣ, deg waṭas n yisaragen, am ta, ama deg berra n tmurt.
Farid Houhache. Yewwi talɣuɣa n Lezzayer deg Karaté.
Am wakken, llant kra n tiddukliwin, yecban, USTA n ddabex uḍar, tiddukla ‘’TALA’’ n yiminigen n taddart deg Fransa, tarbaɛt n Kick Boxing d Vo-Vietnam akked ‘’Arraw Tala Athmane’’ n Facebook.
Deg taggara, ad snemmreɣ akk wid i yi-d-yefkan afus n tallelt i wakken ad d-heggiɣ amahil-a, ladɣa, Nacer Oukacha d umeddakel-is Merzouk Boumala imi llan yid-i seg tazwara armi d taggara. Djamel Oukacha, aselway n tesqamut n taddart, Mustapha Oukacha, aselway n tiddukla n yimawlan n yinelmaden, Mhend Atmane d Omar Oukacha uɣur i d-necrew isefra, Nna Aldjia, Nna ourida d Nna Chabha, timɣarin n taddart.
Hocine.M