Fɣend ass larebɛa iɛeddan sbaḥ azal 200 twaculin id-yesfayden si tnezduɣin AADL 2001,2002 xeddmen timesbaniyin zdat lwekla AADL di temdint n tubiret anda ssuturen seg yimḍebren lwilaya n tubiret iwakken ad ggren iman nsen ɣef yiṣenfaren -agi n tnezduɣin i mazal werɛad bdan lecɣal yerna aṭas-ayagi mi ten-mmuden uṣenfar ,ɛlaḥsab imjerden di lwekla n AADL nnan-d akken ceyɛen akk lekwaɣeḍ nsen seg useggas n 2002 dacu ami d 2013 ssutren-d seg -sen ad ɛiwden lekwaɣeḍ s yin akkin meḥsub ar ass-a d wussan ur d-ceyɛin ula d lkaɣeḍ ɣef wayen yeɛnan lexlas n uḥric amezwaru ara xellsen imi tuget lwilayat bdant lexlas n wid yesfayden si tnezduɣin-agi n AADL imi xellsen akk aḥric amenzu , dayen yeǧǧan imesbaniyin sbegnen-d lɣiḍ nsen ɣef uɣbel-a i mazal ttrajun acḥal d iseggasen-aya imi zedɣen akka tura d yir liḥala am wakken ssuturen seg yimḍebren teɛna temsalt ladɣa lwali n tubiret ad asen-d sfehmen dacu n tsebbiwin yeǧǧan aṣenfar-agi 13 iseggasen ur d-iban yiqiḥ fell-as nutni ttrajun amaynut n tnezduɣin-agi iten-icuɣben imi tinezduɣin ideg ttidiren akka tura tuget deg-sen d lkerya i yekran yerna s suma yeɣlayen ma d wiyaḍ zedɣen deg ixerban akk d iqdimen bɣan ad aɣllin ttazalen akk d aman di tallit-agi n tegrest ɣef waya ttuɣun i yimḍebren lwilya ad ggren iman nsen akken ad d-afen tifrat di beddu lebni tnezduɣin . Si tama nniḍen yella-d ass larebɛa daɣen uɣlaq n tɣiwant deg at leɛziz id -yezgan deg ugafa lwilaya n tubiret s ɣur wid ur d-yesfayden ara si tedwilt 47 tnezduɣin anda ssuturen si lwali akken ad iceyaɛ si lwilaya wid ara iɛawden tamuɣli lejrida n tnezduɣin id- sbeggen tɣiwant azal 15 wussan aya fell-as , acku ttwalin akken llant kra n twaculin ur zwarent ara ad sfaydint si tnezduɣin imi llant tiwaculin i yuklalen fell-asent imi ttidiren daw iqiḍunen ixxamen akk xerben ur zmirzn ara akk ad idiren deg-sen yerna d tikelt tis snat iɣelqen taɣiwant anda ssutren s uɛiwed lejrid n tnezduɣin nniḍen .
