Mazal assuter lgaz d waman d usegem n ubrid d asirem imezdaɣ n at berka di tɣiwant lmeɛmura id-yussan deg unẓul lwilaya n tubiret , i yettidiren azal 800 twaculin di tegnatin qessiḥen anda ɣaben deg-s wallalen n tudert am wakken tɣab daɣen tmuɣli n yimḍebren ɣer taddart-agi yenḥafen i yettnernin seg uɣbel ɣer wayeḍ , gar yiɣublan-a taddart-a tettwaɛzel imi abrid yettawin ɣer dina akk yergel yexser d akkal yerra yeččur d idɣaɣen ladɣa di lawan-agi n tegrest ciṭ ugeffur kan ad yuɣal akk d ixujḍan n waman d waluḍ ur tezmired ara akk ad tɛeddid seg-s , Rnu ɣer yiɣublan i yettnernin yal ass di tmeddurt nsen lexsas n waman i yiɣaben akka di temnadt-a anda ttrajun aṭas amek ara d-awḍen waman ɣur-sen ma yella d aɣbel ideg uffan ugur aṭas d win ur d-ttafen ara akk tifrat ladɣa di tallit-agi n cetwa d leɣyab n tqeraɛtin lgaz i ttnadin fell-as am tcemaɛt di lawan-a imi taddart-a tettwasen s usemmiḍ d ugeffur qessiḥen d udfel id- yekkaten di tama-a ɣef waya saramen s uṣenfar lgaz n temdint am wakken saramen daɣen ad d-yiḥnin wul n yimḍebren s yiṣenfaren unegmu i lfayda n twaculin yellan di taddart n berka xersum ad tifsis teɛkumt ideg ttidiren .
