Zrin 58 n yiseggasen ɣef wasmi ttwanɣan Amirouche d Si El Haoues. Ɣlin yizumal-agi n lgerra deg unnar n yiseɣ ass 29 deg meɣres 1959, deg udrar Sidi Thameur deg lwilaya n Busɛada.
Ugar n 11 000 n yiserdasen i d-tessewjed Fransa deg txezzabit i as-d-thegga. Xas akken yesserwa-asen lemrar i lɛesker n afransis, maca ttqadaren-t ɣef liǧal tebɣest d trrugza i yekseb. Aṭas, dɣa,i d-yefkan tinigitin ɣef tissas-is akked tiḥerci-s lawan-nni n ṭrad. Am wakken i uran fell-as yimyura izzayriyen. Ad dènebder kra : «Akfadou, un an avec le colonel Amirouche» n Hamou Amirouche, «Le colonel Amirouche, entre légende et histoire» n Djoudi Attoumi, «Amirouche, une vie, deux morts, un testament» n Saïd Sadi…atg Ilul Amirouche Ait Hamouda deg taddart n Tasaft ougemoun, zik d taɣiwant n Ath Ouacif, tura tedda ɣer tɣiwant n Iboudraren, Ath Yanni. Yewwi isem n baba-s Amirouche, yemma-s d Fatima Ait Mendes yelli-s n Ramdane. Yemmut baba-s, yeğğa-ten-id netta d gma-s. Tewwi-ten yemma-tsen ɣer Ighil Bwammas. Teskker-iten-id dinna ɣer xwal-nsen. Yezweğ d yiwetn tmeṭṭut tettili-as. Yexdem deg Relizane anda yella yesnuzuy lfeṭṭa n At Yanni. Yekcem ɣer tsertit, yeğğa Relizane yuɣal ɣer Lezzayer. Deg useggas n 1955, yella d aqerru n Lwilaya tis 03, netta d krim Belkacem. Yeṭṭef tamnaṭ n Micli ( Ain El Hammam). Segmi yemmut Amer At Chikh, yeqqim deg Ililten. Ttruḥun ɣer At Ouacif ɣef uḍar. Iḥemmel Amirouche ad yelḥu seg taddart ɣer tayeḍ, ur itegg ara akk leḥsab xas beɛden yiberdan. Iḥureb Amirouche aɛdaw arumi s tebɣest meqqren armi wehmen deg-s yirumyen acku ur as-zmiren ara. Ar ass-a n wussan mazal yella yiwen uɛsekri arumi yemlal yid-s Said Sadi mi yella yettaru adlis –s ɣef umeɣras ameqqran Amirouche, yefka-as-d ula dayen i d-yeggran seg ubeckiḍ-is iseggasen-agi kan ineggura yettunefk i usalay n Tizi Uzzu akken ad as-gen leqrar am wakken i as-iga urumi acḥal iseggasen leqrar d wazal. Yemeslay-d ula ɣef tmettant–is i d-yellan deg unẓul n Bousaada netta d Si El Haoues ass n 28 deg Meɣres aseggas n 1959. Mebla ma nettu ameɣras Si El Haoues, daɣen, iḥureb acengu arumi. Isem-is n tidet Ahmed Ben Abderrezzak Hamouda. Ilus aseggas n 1923 deg M’ Chouneche deg Aures, tura d lwilaya n Biskra. Yekker-d deg yiwet twacult tanesbaɣurt, yettwanɣa netta d Amirouche Ait Hamouda deg unẓul n Bousaada sɣur yirumyen.
Z.A.Y