Lmut n Michael Jackson (lexmis yezrin) tesummel ddunit. Ulac tilibizyu, rradyu neɣ ajernan ur d-nmeslay ara s telqayt ɣef tudert n »ugellid n pop ». Bdan-d awal fell-as seg wasmi akken i d-iban di les Jackson Five ar ass-nni n lexmis ideg yeḥbes wul-is. Ulac d acu ǧǧan : karuh-is i baba-s, ssebba n ubeddel n teglimt-is, addud-is deg uxxam n ccreɛ n Los Angeles ɣef temsalt n wassaɣ yellan gar-as d warrac, zwaǧ-is d Priscilla yelli-s n Elvis Presly, amecwar-is di la pop … Lḥasun kulec yedda-d.
Meɛna, yiwet tufrar-d deg akk d-nnan : d Michael Jackson i igan amkan i »lmusiqa taberkant » (surefet i la traduction-agi) di ddunit. « Avec Michaël Jackson, il n’est plus question d’aller puiser dans la musique noire c’est la musique noire qui s’impose (M.J ur d-yugim ara siu « lmusiqa taberkant », d nettat i yersan iman-is) », d-yenna Sébastian Danchin, d amusnaw di lumur n lmusiqa.
Ulac aḍebsi yenzan di ddunit am « Off the wall« , « Thriller« , « Bad« . Tugna d tin yettwasnen di yal tamnaṭ n ddunit, ɣer leǧnas akk. Anect-agi yeẓẓaz ugar amennuɣ n yiberkanen n Marikan d wid n ddunit s umata. Mebla ahat ma yekker i waya, yerra Michael Jackson »amdan aberkan » d win yesɛan azal, d win i izemren ad yuɣal d… Berzidan.
Di temsalt-agi n umkan n umdan aberkan di Marikan, nezmer ad d-nini belli Michael Jackson d Obama Amezwaru.
T.O.A