Letnayen iɛeddan i tessaweḍ ɣer tagara-s tafaska n ccna d lmusiqa n itergiyen iḥerriyen, di Ilizi. Deqs n trebbuyaɛ i yḥedren di tfaska-yagi ama si Ilizi ama si Adrar neɣ si tmenɣast (Tamenraset). Am akken d-iban, ufraren icennayen d kra n trebbuyaɛ n ccna tafulkluṛit. Seg icennayen yukan, araz amezwaru iṣaḥ-d Mawi Ḥmed si tarbaɛt Ɛetman Bali. Am wakken d-tufrar Heddawi Becɛa si terbaɛt Zekkani Ameqran n ccna n itergiyen. Yal yiwen deg-sen yewwi 150 000 DA. Ma yella di trebbuyaɛ, amkan amezwaru tḥella-t-id terbaɛt Guiṭaṛa si tmenɣast, tarbaɛt Guiṭaṛa tindi n uxxam n yedles Ɛetman Bali n Ilizi. Yal ta deg-sent tewwi 200 000 DA.
Amkan wis sin n trebbuyaɛ tewwi-t terbaɛt Guiṭaṛa si tmenɣast d terbaɛt Guiṭaṛa tatrit n Ɛin Aminas. Ma damkan wis tlata iṣaḥ-d tarbaɛt Guiṭaṛa n Adrar.
Ɛla ḥsab n yemḍebbren n tfaska-yagi, amezwaru d wis sin ad ikin di tfaska n ccna amaziɣ ara d-yilin, tagara n useggas-agi, di Tmenɣast.
Zira