Ilmend n 40 n wussan γef tmettant n mass Mahmoud Hammoum ameγnas n tugtut akk d tmaziγt, i tukker lmut ass n 12 unbir 2010 γef 13h, labaεda mi i d-issax fell-as uεemmur n wakkal yerra-t γer s ddaw n tmurt deg lawan mi yella ibennu yiwen ukeddar εlayen nezzah. yemmut d amaγras γef weγrum n warraw-is, yejja-d deffir-s tajalt d 05 iggujilen. Tawaγit i yeglan s wargaz-agi tennul merra imezdaγ n taddert d tγiwant n Wizgan, imdanen merra sḥasfen s tyita-agi.
Γef annect-a, tiddukla tanaddalt n Wizgan (A-S-B) swejden-d yiwet n tejmilt i wergaz-agi i wass n 24 dujambir 2010 i taddart n Wizgan i lmend n 40 n wussan γef tmettant-is.
Ahil n tejmilt-agi wezil maca iswi-s meqqar s wazal-is. Ass n 24 dujambir γef 09h d timlilit i Tḥemmalts zdat n wexxam n yedles Colonel Mohand Oulhadj, syen a d-ruḥen γer uẓekka n umeγnas n tugdut mass Mahmoud Hammoum akken a d-sersen tameqqint n ijeğğigen,deg-wemkan a d-tilli yiwet n dqiqa n tsusmi γef rruḥ n wergaz-agi. Γef 11h a d-uγalen γer wexxam n yedles Colonel Mohand Oulhadj anda ar a d-yilli umeslay γef umecwar n tudert n Mahmoud syen γef 13h d tagara n tejmilt.
Amḍiq-ik di rreḥma d talwit a Dda Mahmoud.
Islam Bessaci