Taddert n yigreb di tγiwant n Yillula Umalu,( 65 ikilumitren γef usammer n Tizi-Wezzu), tesudes-d yiwen n leqdic s wazal-is i wass n 04 d 05 yulyu 2011,s teγzi n sin n wussan ilmend n umuli wis n 49 n timunnent n tmurt n Lzzayer anda ar ad-ldin yiwen n usebdad n 46 n yimeγrasen (Stéle) i yeγlin d asfel i tlelli n tmurt n Lzzayer.
Ass n 04 yulyu ad d-tillint temzikniyin, isura n tegrewla d waddal (Karaté-do). Tasebḥit n wass n 05 yunyu, d tulya n usebdad n 46 n yimeγrasen s wudem unsib, syen a d-yilli usarag n umazray mass Zinedine Kacimi γef umezruy n temnaḍt n yillula umalu. Tameddit n wass mbaεd imekli a d-yilli umeslay anagi (temoignage) γef yimeγrasen d xazabiyin ixedmen deg tallit-nni. γer tagara d tekfu s tmaγra n taddert. Iwesmekti kan, taγiwant n Yillula Umalu d tamnaḍt tamenzut deg-γlin waṭas n yimeγrasen, ger-asen γlin 740 d amdan, γef waya teṭṭef amḍiq amenzu i tmurt n Lzzeyar.
Islam Bessaci