Ilmend n tisin n waggur n Remḍan, imeḍebren n twilayt n Tizi Wezzu heggan-d yiwet n terzeft ara yilin d afus n tallelt i 17 469 n twaculin yenḥafen. Am wakken ara d-tlil daɣ tulya n 27 n yiseččayen deg lawan n leftur i yimsebriden d wid ixuṣṣen. Am wakken ara yili Waggur Azegaɣ Azzayri di ttiɛad iwakken s tulya n tlata n yiseččiyen . Si tama-s tiddukkla n Tmeɣras deg At wasif nettat tessewjed-d iwakken ad tefreq azal n 130 000 n yimensiyen deg waggur- agi n Remḍan, 50000 ad mmeččen deg umkan, ma d 80 000 nniḍen ad ttunefken ɣer yixxamen. Ma d takubbanit n Sunatrak ad tefreq 800 n yiḍellaɛen deg tamiwin yemxallafen n twilayt. Tiɣiwanin, ad ferqent 10 000 n yiḍellaɛen, ma d tanemhalt n leqdic n temetti ad tefreq 11 000 n yiḍellaɛen, s wakka ad yaweḍ leḥsab n wayen ara yettuferqen deg twilayt ɣer 35 000, anda ara yawi yal yiwen tacekert n uwren , tebidunt n zzit n 5 litrat, ayefki, lqahwa, ssker d kra n yisufar niḍen.
D. I