Taɣiwant n Sidi Neɛman i d- yezgan deg usammar-amalu n twilayt n Tizi Wezzu, ɣef teɣzi n 15 n kilumitr, anda i ttidiren azal n 9655 n yimezdaɣ I iferqen ɣef 17 n tudrin, d tin yeddren taswiɛt iseɛben deg yisegassen 1990-2000 s sebba n rrebrab i yeglan s lixsas meqqren deg waṭas n yiḥricen. Ass-a, ilmend n uḍfar n unegmu iwulem ad yili akken yiwen n wahil n lebni d tedrimt meqqren iwakken ad tbedd ɣef yiḍarren is. D acu kan, taɣiwant-a ur d-tesfayedi ara akken I as-iwlaq, ḥala 2 n yimelyaren n sentim I tt-id-iṣaḥen. Tadrimt-a d tin ur d-nettqiddi ara I useddu n 16 n yisenfaren ara yettwaxedmen deg-s. D ayen dɣa ara yesɛewqen asiweḍ n waman ɣer yixxamen, aɛiwed n yiberdan, tanezduɣt, d waṭas n yiḥricen nniḍen.
D.I
Tizi Wezzu
Lebni n tnezduɣin deg Temda d Bufhima
Tawilayt n Tizi Wezzu d tin yettidiren deg lixsas meqqren deg uḥric n tnezduɣt., Yal aseggas, asuter n uḥric-agi d win yettzaden, maca imḍebbren ufan-d iman nsen deg yir taswiɛt imi ur ṣṣawḍen ara ad sferḥen imdanen s ssebba n lixṣas n wakal n lebni. D acu kan, kra akka n tɣiwanin ssawḍent ad bdunt kra n yisenfaren deg uḥric n lebni am tin yecban Wagnun I d-yezgan tama n ugafa n twilayt ara yebnun 84 n tnezduɣin deg wudem iwumi neqqar “LSP”. Di Draɛ Lmizan, 160 n tnezduɣin ara yettwabnun deg umkan iwumi qqaren Bufhimas, ilmend n usenger n tnezduɣin tiqdimin.
D.I