Ddurt-agi yezrin, abrid aγelnaw wis 12 yeddar yir tagnit deg tufγa id-yezgan deg unẓul n Tizi-Wezzu, γer tama n tqendert n Sidi Naεman, seba n yiwet n twaγit naγ asehwu n webrid id-yeḍran ass n larebεa 13 maggu yezrin lewhi n 12 n uzal, imi yiwen n lkar amecṭuḥ i yeṣawaḍen imdanen deg uzarig icuden ger Tizi-Wezzu d temnaḍt n Delles yetabaεen tawilayat n Bumerdes yeceḍ syen yeffeγ i ubrid. Tawaγit-agi tegla-d s 28 n yimejraḥ, ger-asen 07 deg yir liḥala. Deqs n yemdanen id-yefkan afus n tallet γer yidis n yiγalen n usellek, imi sawaḍen imejraḥ γer sbiṭar asedawan Neddir Muḥamed n Tizi-Wezzu i udawi. Deqs n yemḍebren εlayen n twilayat n Tizi-Wezzu i yesfaqden γef imuḍan i yeẓlen di sbiṭar Neddir Muḥamed n Tizi-Wezzu, maca tamedit n wass aṭas seg-sen i yefγen γer yexxamen-nsen mbaεd imi iduwan akken iwata lḥal.
I. B