Ttcetkin imezda$ isdawanen n Berchiche seg yir liêala ideg ttidiren. Seg wass n tlata iâeddan i $unzan leqraya akken ad d-begnen l$iv-nnsen. Aya yevra-d mbeâd anerni n wuguren, gar-asen lixsas n waman akked trisiti. Inelmaden i nemlal nnan-d: «Di berra i d-tta$en tiqerâunin n waman iwakken ad swen ne$ ad ssirden!». leêla-aya tessawev inelmaden ad d-skeflen $ef tikkelt i$eblan-nsen, wa d sutren tifrat seg wid teâna temsalt. Gar wid i nesteqsa, yiwen seg yiâeggalen n tesqamut n umezdu$ asdawan n 1500, yenna-a$-d: « Maççi kan d lixsas-a n waman akked trisiti i yellan d ugur. Maca yella da$en lixsas n laman imi sin-a n yimezdu$en zgan-d berra i temdint yerna leswar-nsen n berra ur ttqerriâen ara akeççum n yiberraniyen. » £ef waya, suturen di tedbelt (administration) akken ad d-rnun iâessasen, yerna ar tura mazal lec$al n lebni werâad ur kfin, abeâda deg umezdu$ 2000. Lqella-yi n laman, têettem $ef teqcicin ized$en din, ad ttnejmaâent $er texxamin $ef 10 n yiv deg umkan n 12 n yiv am wakken xeddmen deg yi$aramen-nniven. Rnu $er waya, inelmaden ttcetkin seg lixsas n tezdeg deg useççu (restaurant), yerna yelzem $ef yal yiwen ad yeg azal n ssaâa n ukubri ne$ kter akken ad-t-id tsiê nnuba-s ad yeçç, imi yiwen kan useççu i ixeddmen; win n umezdu$1500, deg-s i tetten yakk yinelmaden.Sin-a n yimezdu$en imaynuten, xussen mliê di ttawilat n tudert i nu$ tanumi nettaf anda-nniven; ulac la îîbib, la ifermli, la tazeqqa n waddalen (salle des sports), la alamas adelsan (centre culturel), ula d asuccef ur zmiren ara imi yella lixsas n waman.£ef demma yakk n wuguren-a, inelmaden gan aneêbus $ef leqraya war tilisa, blukin amesni (transport) i ten-yettawin $er tesdawit, qeflen tanmehla, tin $er-s ssuturen seg unemhal ad iger iman-is i tifrat n yi$eblan, ne$ ad iruê ad yeoo amkan-is.£ef wakken i a$-d-ikemmel awal umsiwel-nne$: « Inelmaden mtafaqen akk akken ad kemmlen amennu$, alama terra-d tenmehla akked DOU i yisutiren i asen-yettunefken ». D$a uran ayen iwumi semman ti$er$ert n yisuturen (plate-forme des revendications), deg-s ssuturen tifrat s lâejlan n yakk i$eblan.Seg sya $er yimiren, inelmaden ttrajun tiririt, di lweq anida ussan n usteâfu n tefsut aten-id $ef tewwurt.
Mokrane Chikhi