Ters-d tsusmi n bessif ɣef tmurt n leqbayel.Tfuk ddurt-nni n lɣerba n tyaziṭ s aqwir..D abrid ɣer tmurt, ssawlen-d iɛessasen-is. Ssawlen-d a nesriḥ akal d idammen. A nesraḥ zzit n uzemmur, ma zeglen-aɣ wuccayen, ma ur d-kkisen ara udmawen-nneɣ, am yergazen am tulawin, aɣ-sḥirmen a nṛuḥ ɣer lexla yerna ala din kan i nettaf lehna ! I wuccayen-agi daɣen ansi d-kkan ? Amek d-ssufɣen abrid ɣer tmurt n leqbayel ? Ula d wigi ala aksum-nneɣ I yebninen a t-ččen? Nenwa neẓwar I tlisa, ulac wi izemren ad yekcem ayla-nneɣ ma ur s-nefki ara ttesriḥ.Gar yiḍ d wass mɣin-d am ikerciwen n lexla. Qeḍɛen I medden abrid ɣer wayen deg-i ttalasen.. Acḥal ara awin d asfel seg yeqbayliyen… Cuuuuuuuuut ! Susmet, ad nsel i teɣwist n wid-nni ara teccelqef lmut. Uccayen la gezzren di medden, ayen ara ǧǧen irebraben, ad t-kemmlen. Ad negren leqbayel. Ur tufiḍ win ara yeslen yis-sen.Tilifun ulac, tiqeṛṛadin ulac, ijernanen ulac, lehna ulac, trisiti ulac, abrid ulac, smaḥ ulac, tudert ulac, ulac ulac ulac… Ass-n am wass-a, aṭas ara yeččaren axxam n lfeṛḥ, aṭas ara yenzen, ma yella wi d-yeqqimen, aṭas ara yɣellten ayen ur d-ssuysen ara…
Zira