Yeɛreq yixef-is(I)

Teγzi n tudert tessawaḍ Bab-is ayen i d- yedder, ayen iwala yettuγal-as am win yeqqes uzrem, yettagad ula d aseγwen. Dayen i yettrebbin deg-s tamuγli meẓẓiyen i kra n win yugar di leεmer ad tafeḍ yesseḥbibir tettecbibir γef wayen yebγun yili-d. Qqaren, win yeddren tudert-is ulayγer yeqqules γer tudert n wayeḍ myal akud s tarwa-s, myal tarwa s tmuγli-s, yal tamuγli s wallalen-is. Gar umeẓyan d umeqran akud yettaf iman-is yettaḍsa yeqqar: wali tura wihin yugad teγzi n tudert, wihin yeqqar awah a teγzi n tudert maca γas tudert tesdukel-iten, tamuli tebḍa-ten, yal yiwen anida ijebbed. Netta akken bγun jebden i tudert ur ffiγen ara.Mgaraden amek ara idiren, d acu n tudert ara idiren. Netta limer d lebγi yal wa ad yidir i wayeḍ, s wayeḍ. Temẓi di temγer, temγer di temẓi mi ara dduklent ad d-fkent tamuγli n yimmal ara d- yezgen i kra n win yeddren, maca i sin d yid-sen tidet ẓẓayet, yuεer leḥsab i tifin…

Asekkir 1

Asayes 1

Bujemεa-Akli

(S uẓawan n Zerruq Ɛellawa d tezlit: i win i nekren laṣel-is, Bujemɛa d wakli di tejmaɛt cennun, ceṭṭḥen sekren rrhi).

Terwi tebberwi

Yegguma ad d-ibin yixef-is

Terwi tebberwi

Ur teqil faḍma argaz-is

Mi nebɣa ad nruḥ

Lbiza ulac

Mi nebɣa ad neqqim

Ixeddim ulac

Ahya a ssi Ḥmadac

ahya a ssi Ḥmadac

(Cennun-tt s uẓawan n tezlitt n Dda Sliman azem s terwi

tebberwi, Kra kan ibedd wakli yenna i Bujema)

Akli: Araju, araju

(Bujema yeḥbes yettgni, yuɣal icennu isefra-ya s uẓawan n sliman cabi. taqaet tḥma ɣlin di ccna d ccḍeḥ ur uḥtamen yessaweḍ-d Dda weεli)

Asayes 2

Bujemεa, Akli, Dda weεli

Dda weεli: (s reffu) Alammi d tura i tgerrez, alammid tura i twenne. Di lenaya-nnwen ma ur d iyi-d-tennim anida i terram ulawen-nnwen?

Akli: (s wesmessxer) D acu ara k-iniɣ a Dda Weεli ğğiɣ-t di tama taẓelmaṭ ur uḥtameɣ alammi i t-id-ufiɣ di tama tayeffust.

Bujemɛa: (s taḍsa) Kečč meqqar d abeddel i ebeddel amkan, wama nekk-i susem kan aniwa ara k-yeḥkun

Dda weɛli: (yebda yettfiq) D acu ara d-sbezeqeḍ akka diγen keččini?

Bujemεa: D acu-t w assen, izad fell-i lehlak; ruḥeɣ ar umejjay.ur ttuḥtameɣ alammi i yufiɣ isedda-yi-t-id di tewriqt-nni i d iyi-d-yefka, yenna-k ul inek yeya, ilaq ad t-id-iwdeḍ

Akli d Bujema fnanxen d taḍsa dskeke

Dda weεli izad wayen izaden deg-s deg zaf.

Akli: Attah liḥal n wulawen-nneɣ a Dda weεli.

Dda weεli:(yeqber) Akka iyi-d-tettbanem akka, waqila testufam.

Bujemεa: Ma d ssbeḥ ur nxeddem ara, ma d tameddit ur nesεa ara cɣel,tella kra n lxedma a Dda weεli?

Dda weεli: (s usemẓi) D kunwi ara yxedmen! ad d-isel Rebbi ad yeččeḥ, kunwi ur txeddmem ur tettağam win ara yxedmen.Yefka-yawen Rebbi ala ccḍeḥ d rdiḥ

Akli: Akka i d-aɣ-d-tettwalim, akka i d-awen Yeḥsab Rebbi. nekkni yefka-yaɣ ala ccḍeḥ d rdiḥ, i kunwi d acu i txedmem, d acu i d-tessulim?

Dda weεli: Ih…wi, ɣur-wen azref, meẓẓi-yit ur d-tecfim ara,limer teẓram s anisa i d-nɛedda alammi i wen-tt-id-nessaweḍ ass-a ɣer da.

Akli : (s uberri) Ur walaɣ ara d acu i aɣ-d-sawḍem.

Dda weεli: (s zaf) Qessmeγ-k s Rebbi am wezrem ma ur tbuεdeḍ fell-i, lxersum eğğ tisuqqas-ik γur-k.

Bujemɛa: (yekka-d gar-asen s ssyasa, yeṭṭef-d Dda weεli deg ufus) Ahya a Dda Weɛli atan waqila tsehleḍ i useḥmu.

Dda weεli: (yerra-d nnehta s nndama) Ah…; aniwa ara d-yerren iḍelli d ass-a wammag

Akli: Ah; ierq-ak neɣ tegzeḍ ad t-id kemleḍ. wammag; ad teqed ur tettmal.

Dda weεli: Wammag ad teglu s uqerruy-ik.

Bujema: ( s ddaw tuγmest ) Akka tegla s uqerruy-ik Kečč-ini.

Akli: A mačči d annecten, ini-as: « ma yella kra i teğğa ɣas ad tezzi ad t-kemmel.Nekkni aqel-aɣ: wa icab, wa iεab, wa yedda d imejdab

Dda weεli: Teččam nneεma ur d tuğiwem: taεrurt telsa, taεebbuṭ terwa, tekkrem-d kan tufam-tt-id tewwa

(Bujemεa yesferfed i tɣeggaṭ-is

am akken yeɣli- yas userwal)

Akli: Aya d tidet, nekker-d kan, nufa-d iman-nneɣ

newwa.

Bujemεa: Tewwa, neγ theyya, am nettat am nekkni newwa. twalam ma ad nkemmel akka i tt-id-newwi atan ad tnessiweḍ ɣer wanida ur tt-id-ttaran ara ula d wid ara d-yekkren azekka.

Dda weεli: D acu i d ixef-is ihi?

Akli: D acu i d ixef-is?

(Yettruḥ yettuɣal, yettxemmim)

Dda weεli: Uɣalen imeksawen txemmimen.

(Bujemɛa atan d ihin ata da, yettxemmim.

Teɣli-d tsusmi).

Akli Tamazirt

yettkemmil