Akayad n uswir wis semmus(5eme) d win yeḍran ass n 29 deg mayyu .Ded wasun (Daïra) n Ɛin Lḥemmam , ttwafernen 3 n yiɣerbazen anda id-ḍran ikayaden . Gar tlata –a neḥḍer deg yiwen . Aɣerbaz amenzu At Laɛziz deg tɣiwant n Uqbil .
Aɣerbaz-a d win id ijemÄen inelmaden d tnelmadin n uswir wis 5 , n yiɣerbazen n tuddar n tɣiwan Aqbil. Amḍan n yinelmaden i yesÄeddan akayad-a yewweḍ ɣer 107 ; gar asen 42 d tullas, 65 d arrac. Iselmaden i iÄussen inelmaden-a usan-d seg tɣiwant At Bu Yusef deg 16 yid-sen. Ma d wid i ibedden tama n yinelmaden akked yiselmaden akken akayad-a ad yeḍru deg talwit d tumert llan 8 , Imḍebber i ibedden ass n 29 deg mayyu ,deg uɣerbaz amenzu At Laziz , d mass Ayt Habib Muḥend Crif anemhal n uɣerbaz amenzu n waɣzen deg Äin Lḥemmam.
Ɣef 8 d uzgen akayad yebda , s tutlayt taɛrabt , s yin d tanga n tusnakt (maths) id-yernan , tameddit d tutlayt tafransist .
Inelmaden i yesɛaddan akayad n 5eme , mačči kan ferḥen s sshala n yisental , maca lferḥ nsen yenerna segmi i ččan , imi anemhal , mass Ayt Ëabib ijmeɛ-iten ɣer usečču anda i sɛeddan azl n tsaɛet d anecreḥ d taḍsa , imi tarbaɛt lewhama tusa-d seg bgayet akken ad tessefreḥ inelmaden-a . £ef waya yenna mass Ayt Ëabib « D tikkelt tis rebɛa i ṭṭfeɣ aɣerbaz-a n at laɛziz deg ukayad n 5eme , lḥemddulleh , yal aseggas kulci i berru-d deg lehna d liser , tikkelt-a s lemɛawna n kra n yimdanen , newwi-d tarbaɛt lewhama akken ad sferḥen inelmaden aladɣa tallit n usgunfu , imi ttɣaman seg 12h alma d 14h30 , nenna ttif xir ad dhun u ad ferḥen . £ef waya ad snemreɣ mexluf n umaṭṭaf wis sin , id yefkan afus n tallalt, akken ur tettuɣ ara tarbaɛt lewhama , akked mass mhanna aselway n tiddukla n yiselmaden n tmaziɣt n ugezdu n Tizi Wezzu id aɣ iɛawnen ass-a. » Ma d kra n yinelmaden hat-a d acu id nnan : « Akayad-a d win isehlen mliḥ , yeshel xir n win i nesɛedda deg yiɣerbazen nneɣ ussan nni yezrin ; maca nesḥassef milḥ imi ulac tamaziɣt deg ukayad a n 5eme , ɣef waya ilaq imawlan nneɣ d yiselmaden akked lḥukuma ad d rnun tamaziɣt imi d tutlayt nneɣ . » Wa d awal n yinelmaden yewḍen 11 n yiseggasen deg leɛmer nsen , d tiɣri nsen i yimḍebren d yimawlan d leqbayel s umata .
Ayen i ɣef yesḥassef unemhal mass Ayt Ḥabib , d tamejjayt (la psychologue) ur d nusi ara , akken ad tebded ɣer yinelmaden , mac axas akken ulac-itt , yeṭṭef amkan-is mass Ayt Ḥabib imi d win yellan tama n yinelmaden akken ad ten-yessebɣes arnu ad yili ɣur sen yal dqiqa ; « tajmilt daɣen ad tuɣal i yiselmaden d tselmadin akked yixeddamen mebla ma ttuɣ iɛeggalen n tdawsa i ibedden tama nneɣ ass-a. » id yenna mass Ayt Ḥabib Crif.
Tina .B