Deg yiwen n ulɣu i d-yessufeɣ umswuri(opérateur) n tilifun-purṭabl Djezzy GSM, deg wass n 22 yunyu iɛeddan, ixebbeṛ-d deg-s imayaɣen-is s tlalit n wayen iwumi isemma « Ammas n yisawalen s tmaziɣt – Amazigh Call Center ». S wammas-a, yezmer umsexdem n Djezzy neɣ Allo, ad iɣer s tmaziɣt akk isallen yellan deg ubeṭṭay n umeslay (serveur vocal – IVR), am wakken daɣen i yezmer ad isel s tmaziɣt i yiwellihen ɣef twuriwin yemxallafen yerzan asexdem n Djezzy d Allo. Akken ad yekcem yiwen ɣer wammas-agi, ilaq-as ad yessiwel ɣer wuṭṭun 777 i wid yessexdamen Djezzy akked 505 i wid yessexdamen Allo; syin akkin, ad yefren tutlayt n tmaziɣt deg usebter n ubeṭṭay IVR ara yaf tella ɣer yidis n tutlayt taɛṛabt akked tefṛansist. Ɣef wakken i yura deg ulɣu i d-nebder : « Asenfar n wammas n Amazigh Call Center, yella-d ilmend n useqṛeb n umeswuri Djezzy ɣer yimaɣayen-is ladɣa wid yellan seg-sen ttmeslayen s tmaziɣt ». Deg taggara n ulɣu yura : « Mebla ccek, s tlalit n Amazigh Call Center, amsexdem n Djezzy ad yessenfali s tutlayt i as-yehwan».
Mokrane. Chikhi