Ilmend n wass agreγlan n warrac imecṭaḥ, id-yettuγalen yal amenzu n yunyu, tiddukla tadelsant 28 ctember 1958 n taddert n Yibekkaren taγiwant n Wizgan, sudsen-d yiwen n leqdic s wazal-is s yiwen n wahild amarkanti yerna d aγezfan. Leqdic d win yebdan tassebḥit n wass n 31 maggu yezrin, s wurraren i warrac imecṭaḥ anda iεeggalen n tiddukla-agi wwin-d tikti tamaynut akken ad-rren uraren iqburen n tmurt leqbayel. Syen arrac imecṭaḥ xedmen-d yiwen n yetri meqren s usentel itri n temẓi, akken id-yella usenεet n wadal n Lkarati sγur inadalen imecṭaḥ n uγarbaz amezwaru Touazi Madani Bouhadj n taddert n Yibekkaren. I wesmekti, inadalen n uγarbaz amezwaru n taddert n Yibekkaren wwin amḍiq amezwaru deg talγuγa n wadal iγarbazen senf n Lkarati, akken id-ḥarren amḍiq wis ssin d italγuγa taγelnawt dima deg ṣenf n waddal-agi iγarbazen. Γer tagara yella-d yiwet n tmeγra n unecraḥ s yiwet n tombola d useḥar, syen sarḥen i tcuftin uffgent di tegnawt anda yal aqrur yura issem-is d yizen n ssmaḥ d tdukli ger yemdanen. Iswi n leqdic-agi, d aẓeṭṭa n tegmatt d tdukli ger warrac imecṭaḥ d tikci n tebγest d wafud yelhan i tudert-nsen.
I.B