Imedyazen nessen aṭaṣ deg-sen, maca timedyazin ulac aṭaṣ yettwasenen gar-asent deg tmurt n leqbayel, acku laɛwayed iqesḥen ur ǧǧint ara tameṭṭut tansefrayt ad tban ! Isefra ixedmen-t tilawin zik nni, ttawint-en-id deg tmaɣriwin, deg laxla, deg timazirin, deg tiliwa, maca mači zdat n yirgazen. Gar timedyazin-agi, yuɣ lḥal aṭaṣ ur n ttwasen ara, tella yiwwet iwumi ssawalen Nna Ṛaḥma U Ɛizza. Tamedyazt-agi nnan-d tlul gar 1830-1835 deg taddart n’At Ɛmer Uzeggan yella-n tura deg tɣiwant n weqbu. Nna Ṛaḥma nnan-d belli tedder azal n 115 iseggasen. Dayen ur yezmir yiwen ad yini ma d ttidet neɣ ala. Maca akka i d tenna-n ! Tamedyazt-agi t sefray zik nni i tlawin kan. Tigi aṭaṣ i leqḍen-t sɣureṣ. Isefra-ines tameṭṭut t-ttaǧaten-id i tayeḍ, alarmi id laḥqen ar tallit-agi nneɣ. Dayen yessewhamen aṭaṣ ! Seg yimi ar umeẓẓuɣ, idles nneɣ Amaziɣ yedder, « yennuɣ » lakked d leqrun, awalen iwḍen-d am akken d-asekles deg uḍebsi (CD) ! N’na Ṛaḥma ɣef akken i d-ḥekkun, tessefra ɣef tudert n yal ass, ɣef yiɣublan n ddunit, ɣef lqerḥ lakked d lferḥ. Tansefrayt-agi ɣlayen ɣef idles Amaziɣ « yerratt-id » ar tudert yiwen unaẓur isem-is Azrou Mohand Arab, i s-ixedmen yiwen n « documentaire » yettmeslayen ɣef tudert-is lakked d-isefra i texdem. Amaken tura ur temmut ara, N’na Ṛaḥma teqqim, ihi akka, deg mezruy n tmedyazt taqbaylit taqburt. Deg seggas n 2010 deg wagur n Dujumbar, tiddukla tadelsant « Etoile » n weqbu terra tajmilt i t’medyazt-agi. D tagunit-agi i yerran N’na Ṛaḥma tettwassen. Wama, drus wid itt-yesnen. Ar ass-a, llan aṭaṣ n yimedyazen d t’medyazin ur n ttwassen ara, acku tewwit-en tatut lakked isefra nsen. Maca, wid yekkaten ɣef yidles amaziɣ ttaɛraḍen ad skeflen agerruj-agi yettumeṭlen. Zik nni, maḥsub leqbayel akk d ttiqbyliyin d-imedyazen. Snulfun-d yiwen umussu n yidles n tidett ! (un véritable mouvement littéraire orale digne de ceux qu’a connu l’europe…!).
Syphax.Y.