Tawennaḍt -nneɣ d tin i nerra deg rrif nettu-tt , nesebluleɣ-itt nefka afus nettekki deg-s, ad naf ama deg tudrin ama deg temdint n Tizi wezzu, nezmer ad d-nini llant kra n tudrin zeddigit ugar n temdint , ad naf tiɣiwanin akk fkant-d ikumya akken ad awin iḍuman , amedya dagi deg tɣiwant n uqbil yettas-d ukamyun ass n acer d wass n wahad ttheggint –d tlawin tanezzayt iḍuman -agi , sakin ttawin-ten ɣer At Wasif , akken yebɣu yili lḥal kksen iguduyen –nni n zik , sdat yixxamen , deg tferkiwin , maca mi ara ad ak-yawi ubrid ɣer Tizi wezzu , iberdan akk ččuren d icekkaren d tqerξunin n crab yerzen , ur yezmir yiwen ad yelḥu ɣef uḍar s wanec-ten n zğağ , ayen yesewhamen mi ara d-ttξaddint tkeryas ad d-ṭeggiren seg ṭṭwiqan mi kfan učči , yerna d tiwaculin ,mi ttwalin anecten n yiḍuman dɣa ttξanaden , d ayagi d-yettawin aṭṭanen d-yekkan seg yir riḥa , ma sdaxel n temdint , yella yiwen umkan d-yezgan deg temdint tajdiḍt ur tezmireḍ ara ad tbeddeḍ dinna ttaččaren ur ten-nettawin ara dɣa imdanen –nni yettrağun tifurgutin-nni rwan lḥif , ayagi akk yekka-d sɣur-nneɣ limer yal yiwen ad yendeh i warraw-is ɣef tezdeg yili ur nettaweḍ ara ɣer wanect-a , yerna Tizi Wezzu tla aṭas n yimukan lhan i tukksa n lxiq am iξekkuren , Tigejda , tala mellulen ,ilel n tegzirt, ilel n uẓeffun , aẓru n ṭhur , ttruḥunt twaculin mi ara telhu liḥala n tegnawt ttwalin-d tafulki n yidurar d ubeḥri azeddgan, ttaṭṭafen-d tugniwin , tettun taẓzeyt d ξaggu n ddurt , ilaq win yeččan yeswa ad yerr iḍuman s acekkar , yal wa ad yeğğ amkan-is d azedgan akken s-yenna umedyaz Ayt Mengellat win yebɣan ad tseggem iseggem iman-is , nesξa imukan ackki-ten i tukksa n lxiq limer ad tili tezdeg n twennaḍt ur tt-nesebluluɣ ara.
Zakia Ben yahia