Aɛmer-u-yidir d lamin n yiwet n taddart deg tmurt n Leqbayel. Ulac win isewqen ɣef taddart-is am netta. Fernen-t imezdaɣ d aqerru ɣef taddart-is acḥal n yiseggasen. Aɛmer-u-yidir d yiwen ur nettcuḥu ara di lweqt-is. Yeqqar:‘‘lecɣel n taddart zwaren akk lecɣel’’. Anda i as-d-ssawlen, iruḥ d amezwaru. Ɣef waya, ttqadaren-t u ḥemlen-t medden aṭas. Yiwet n tikkelt, ikcem-d deg yiḍ s axxam, ieeṭṭel di tejmaet, ṭṭfen-t lecɣel n taddart. Yufa-d mmi-s n mmi-s uread igen, yenna-as-id: leeslama a jeddi, tεeṭṭleḍ aṭas ass-agi! Acu-t i txeddmeḍ akk di tejmaet? Yenna-as jeddi-s: a mmi iṭṭef-iyi cɣel n taddart, yak nekk d lamin! D imsewwaq n taddart. Lecɣel n taddart zwaren akk lecɣel. Nekk d ṭemman i yi-ttḥamin, nettsewwiq ɣef taddart: nettḥarab ɣef nnif n yimezdaɣ, wa ur iḥeqqar wayeḍ, wa ur ittaweḍ wayeḍ. Nferru uguren d-ttemlilin imezdaɣ, nteddu deg ubrid n lḥaq, ntekkes lbaṭel… Aqcic: amek tferrum taluft gar sin n yimdanen ilhan a jeddi? Lamin: a mmi ma lhan di sin ur d-ttruḥen ara ɣer tejmaεt. Taluft nsen ur d-tettaweḍ ara ɣer-neɣ, ur tt-nettissin ara, ferrun-tt i yiman-nsen weḥd-nsen. Wa ad yeǧǧ cwiṭ i wayeḍ dɣa ad tt-frun. Aqcic: a jeddi i mi ara yili yiwen ilha wayeḍ dirr-it! Lamin: a mmi, tamezwarut, nessawal-asen-d ɣer tejmaet i sin yid-sen. Nessel-asen, yal yiwen ad d-yini amek teḍra tedyant illan gar-as d uxṣim-is. Ssyin win iḍelmen ad t-nsenṭaq ɣef ccada. Nessenqas cwiṭ i win iḍelmen nrennu-t i win-a nniḍen, dɣa ttasen-d swaswa, mtawan ɣef ṛṛay n tejmaet. Ttaken lwaεda di tejmaɛt, Ccix ittak-asen lfattiḥa, ssyin ttuɣalen s axxam ferḥen di sin yid-sen imi tefra tedyant-nsen mebla ma yeɣli-d weeḍur wala tugra-d lexsara gar-asen. Aqcic: a jeddi, i mi ara n-ruḥen sin n yimdanen dir-iten i sin? Lamin: a mmi, dɣa d ayen i yi-isεeṭṭlen ar tura ass-agi!
Ramdane LASHEB