Tidukla n yiselmaden n Tmaziɣt n Tizi Wezzu tsuddes-d sin n wussan 29 d 30 deg yunyu 2009 timlilit tis snat i usileɣ n yiselmaden n tutlayt tamaziɣt. Timlilit-agi yeḍran deg uɣerbaz alemmas Base 7 n Uẓeffun tella-d i ukemmel n timlilit tamezwarut yeḍran deg tɣiwant-agi aggur n meɣres yezrin. Timlilit-agi d tin i yezzin ɣef uselmed n tmaziɣt d umezruy ines.
Amur ameqqran n temlilit-agi tettunefk i tarrayin n uselmed, amek ad ssawḍen yinelmaden ad bnun timsirin-nsen, amek ad silɣen iswan ibidaɣujiyen (objectifs pédagogiques). Ugar n waya imaswaḍen imaynuten n tmaziɣt n Tizi-Uzzu wwin-d awal ɣef La taxinomie de Bloom s usemres-ines deg tmaziɣt, tarrayt n uselmed n tmawalt d leqwanen i yesselḥayen aḥric n uselmed.
Tidukla n yiselmaden n Tmaziɣt n Tizi Wezzu tessewjad timlilit-nniḍen ara yeḍrun seg 11 ar 15 seg yulyu 2009 deg tɣiwant n Ɛin-Lḥemmam.
Ḥ.A.M